Aei Odisha
ବୌଦ୍ଧ: (ଚିତ୍ତ ରଞ୍ଜନ ସିଂ ) ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅଞ୍ଚଳ ରେ ଗତ କାଲି ରାତିରେ ଏକ ବାଇକ୍ ଚୋରୀ ହୋଇଥିବା ଜଣାପଡିଛି । ମିଳିଥିବା ଖବର ଅନୁସାରେ ଗତ କାଲି ରାତି ପ୍ରାୟ ଦଶଟା ସମୟରେ ପୁରୁଣାକଟକ ବଜାର ନିକଟସ୍ଥ ରଥସାହି ର ମନୋରଞ୍ଜନ ରଣା କାମ ସାରି ନିଜର ବାଇକ୍ ହିରୋ ହୋଣ୍ଡା ଗ୍ଲାମୋର ଯାହାର ନମ୍ବର OD 27A 4959 ଯୋଗେ ଘରକୁ ଫେରି ଥିଲେ, ଓ ବାଇକ୍ ଟିକୁ ନିଜ ଘର ଅଗଣା ରେ ରଖିଥିଲେ।
ସକାଳୁ ଉଠି ଦେଖିଲା ବେଳେ ବାଇକ୍ ଟି ଘର ଅଗଣା ରେ ନଥିଲା। ତା ପରେ ସାହିପଡ଼ିଶା ସବୁ ଆଡ଼େ ଖୋଜି ଥିଲେ ହେଲେ ବାଇକ ଟି ମିଳିନଥିଲା। ଏବଂ ଶେଷରେ ପୁରୁଣାକଟକ ଥାନାରେ ଏକ ଲିଖିତ ଅଭିଯୋଗ କରିଥିଲେ। ପୁରୁଣାକଟକ ପୋଲିସ୍ ଅଭିଯୋଗ କୁ ଭିତ୍ତି କରି ତଦନ୍ତ ପ୍ରକ୍ରିୟା ଜାରି ରଖିଥିବା ଜଣାପଡିଛି। ସୂଚନାଥାଉ କି ଗତ ୬ /୭ ମାସ ତଳେ ଉକ୍ତ ଥାନା ଅଞ୍ଚଳରେ ଏକ ବୁଲେଟ ଚୋରୀ ହୋଇଥଲା ଏବଂ ତାହା ଖଣ୍ଡଗିରି ପୋଲିସ ଉଦ୍ଧାର କରି ହଜିଥିବା ଲୋକକୁ ହସ୍ତାନ୍ତର କରିଥିଲେ।
କିନ୍ତୁ ଏହାର କିଛି ଦିନ ପୂର୍ବରୁ ଉକ୍ତ ଅଞ୍ଚଳ ରେ ଏବଂ ଚରିଛକ ବଜାର ନିକଟସ୍ଥ ଝାଡ୍ରାଜୀଙ୍ଗ ଅଞ୍ଚଳ ରେ ଚୋରୀ ହୋଇଥିବା ବୁଲେଟ ବର୍ତମାନ ସୁଦ୍ଧା ମିଳିନାହିଁ। ତେବେ ବାରମ୍ବାର ବାଇକ୍ ଚୋରୀ ହେବା ଓ ଅଞ୍ଚଳ ରେ ଏକ ବାଇକ୍ ଚୋରୀ ରାକେଟ ସକ୍ରିୟ ଥିବା ନେଇ ସାଧାରଣରେ ରେ ଚର୍ଚ୍ଚାର ବିଷୟ ପାଲଟିଛି।
