ହରଭଙ୍ଗା : ୨୦/୧୨ ( ଚିତ୍ତରଞ୍ଜନ ସିଂହ )  ବୌଦ୍ଧ ଜିଲ୍ଲାର ହରଭଙ୍ଗା ବ୍ଲକ୍ ରେ ଚାଷୀ ମାନଙ୍କ ପାଇଁ ଗତ ୧୯  ଡିସେମ୍ବର ରୁ ବିଭିନ୍ନ ମଣ୍ଡି ର ଶୁଭାରମ୍ଭ ହୋଇଥିବା ବେଳେ ବୁଧବାର ଲୁଣିବାହାଲ ପ୍ରାଥମିକ ସେବା ସମବାୟ ସମିତି ଠାରେ ମଣ୍ଡି ର ଶୁଭାରମ୍ଭ ହୋଇଯାଇଛି ।

ଏଥିରେ ମୁଖ୍ୟ ଅତିଥି ଭାବେ ବୌଦ୍ଧ ଏବଂ ଫୁଲବାଣୀ ଡିଭିଜନର ସହକାରୀ ନିବନ୍ଧକ ଶ୍ରୀ ଯୁଗଳ କିଶୋର ଦାସ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସହକାରୀ ଉପ ନିବନ୍ଧକ ହାଡ଼ିବନ୍ଧୁ ମହାକୁଡ଼, ମା ପେଡ଼ି ପ୍ରୋସେସିଂ ର ମୁଖ୍ୟ ନୀଳକଣ୍ଠ ମହାନ୍ତି, ସମବାୟ ସମିତି ସଭାପତି ଶୈଳେନ୍ଦ୍ର ପ୍ରଧାନ ପ୍ରମୁଖ ଯୋଗ ଦେଇଥିଲେ।

ପ୍ରଥମେ ମା ଭୈରବୀଙ୍କ ଠାରେ ଦୀପ ପ୍ରଜ୍ବଳନ କରି ପୂଜାର୍ଚ୍ଚନା ହେବା ପରେ ମଣ୍ଡି ଉଦଘାଟନ କରାଯାଇଥିଲା। ସହକାରୀ ନିବନ୍ଧକ ମଣ୍ଡି କୁ ଉନ୍ନତ ମାନର ଧାନ(FAQ)ଆଣିବାକୁ ଚାଷୀ ମାନଙ୍କୁ ପରାମର୍ଶ ଦେଇଥିଲେ। ଏବଂ ଉନ୍ନତ ମାନର ଧାନ ଆଣିବା ଦ୍ଵାରା କୌଣସି କଟନି ଛଟଣୀ ହେବ ନାହିଁ ବୋଲି କହିଥିଲେ।

ସମିତି ର ସଭାପତି ଶୈଳେନ୍ଦ୍ର ପ୍ରଧାନ ଏବଂ ସମ୍ପାଦକ ସଂଜୀବ ପ୍ରଧାନ ଅତିଥି ମାନଙ୍କୁ ଉତ୍ତରୀୟ ପ୍ରଦାନ କରି ସମ୍ମାନିତ କରିଥିଲେ ।ପ୍ରଥମ ଦିନ ୭  ଜଣ ଚାଷୀ ଙ୍କ ଠାରୁ ପ୍ରାୟ ୩୧୫  କୁଇଣ୍ଟାଲ ଧାନ ଉଠା ଯାଇଥିଲା। ଏହି କାର୍ଯ୍ୟକ୍ରମ ରେ ଲୁଣିବାହାଲ ପ୍ରାଥମିକ ସେବା ସମବାୟ ସମିତି ଅନ୍ତର୍ଗତ ବିଭିନ୍ନ ଗ୍ରାମରୁ ଚାଷୀ ମାନେ ଯୋଗ ଦେଇଥିଲେ।