ଟିଟିଲାଗଡ଼: (ସଞ୍ଜୟ କୁମାର ନାୟକ) ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଯେସିଆଇ ଟିଟିଲାଗଡ ସିଟି ତରଫରୁ ସଭାପତି ଶ୍ରୀ ତ୍ରିଲୋକନାଥ ଜୈନଙ୍କ ସଭାପତିତ୍ବରେ ସ୍ଥାନୀୟ ଡି ଏନ ରିସର୍ଟ ଠାରେ ଜାତୀୟ ସ୍ତରର ହାସ୍ୟ କବି ମାନଙ୍କୁ ନେଇ ଏହି ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏହି ହାସ୍ୟ କବି ସମ୍ମିଳନୀରେ ଅଲିଗଡର କବି ଡ ବିଷ୍ଣୁ ସକ୍ସେନା, ଦୁର୍ଗରୁ ପଦ୍ମଶ୍ରୀ ସୁରେନ୍ଦ୍ର ଦୁବେ, ଦିଲ୍ଲୀରୁ କାବ୍ୟାୟତ୍ରି ଖୁସବୁ ଶର୍ମା, ଜବଲପୁର ରୁ କବି ସୁଦୀପ ଭୋଲା, ରାଜସ୍ଥାନ ଜୟପୁରରୁ କବି କମଲ ମନୋହର, ମନ୍ଦସୋରରୁ କବିମୁନନା ବେଟରି ଆସି ନିଜ କବିତା ମାଧ୍ୟମରେ ଲୋକଙ୍କୁ ହସାଇ ଥିଲେ।

ଏହି ହାସ୍ୟ କବି ସମ୍ମିଳନୀକୁ ଦେଖିବା ପାଇଁ ବଲାଙ୍ଗୀର, କଣ୍ଟାବାଞ୍ଜି, ସିନ୍ଧେକେଲା, ବଙ୍ଗୋମୁଣ୍ଡା ତଥା ପଡୋଶୀ ଜିଲ୍ଲାରୁ ମଧ୍ୟ ସ୍ରୋତାଙ୍କ ଭିଡ ଜମିଥିଲା। ଏହି ସମ୍ମୀଳନୀରେ ମୂଖ୍ୟ ଅତିଥି ଭାବେ ଟିଟିଲାଗଡ଼ ଉପଜିଲ୍ଲାପାଳ ଶ୍ରୀଯୁକ୍ତ ଦୟାମୟ ପାଢ଼ୀ ଯୋଗ ଦେଇଥିଲେ। ଏହି ସମ୍ମୀଳନୀକୁ ଆୟୋଜନ କରିବାରେ ବିଭିନ୍ନ ଅନୁଷ୍ଠାନ, ସଂସ୍ଥା, ବ୍ୟବସାୟୀଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଏହି ସମ୍ମିଳନୀକୁ ସଫଳ କରାଇବାରେ ପ୍ରୋଜେକ୍ଟ ଡାଇରେକ୍ଟର ରାହୁଲ ଜୈନ, କୋ ପ୍ରୋଯେକ୍ଟ ଡାଇରେକ୍ଟର ଶୈଳେଶ ଗୋୟଲ୍, ଆଇପିପି ଅତୁଲ ଜୈନ, ସମ୍ପାଦକ ବିକାଶ ଜୈନ, କୋଷାଧ୍ୟକ୍ଷ ଦୀପକ ଜୈନଙ୍କ ସମେତ ଯେସିଆଇର ଅନ୍ୟାନ୍ୟ ସଦସ୍ୟ ସହଯୋଗ କରିଥିଲେ।