ଭବାନୀପାଟଣା: (ଅର୍ଜୁନ ପଟ୍ଟନାୟକ)କଳାହାଣ୍ଡି ଜିଲ୍ଲାର ଅଗ୍ରଣୀ ଅନୁଷ୍ଠାନ କଳାହାଣ୍ଡି କଳାକାର ସଂଘ ପକ୍ଷରୁ ୧୩ ତମ ଜାତୀୟ ନାଟକ ମହୋତ୍ସବ ନିମନ୍ତେ ସଭାପତି କାଦିର ଖାଁ ଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଆଗାମୀ ୨୮ ତାରିଖ ରୁ୩୦ ତାରିଖ ପର୍ଯ୍ୟନ୍ତ ତିନିଦିନ ବ୍ୟାପୀ ଭବାନୀପାଟଣା ଟାଉନହଲ ଠାରେ ଅନୁଷ୍ଠିତ ହେବାକୁ ଥିବା ଏହି ମହୋତ୍ସବର ପ୍ରଥମ ଦିବସ ରେ ଭୁବନେଶ୍ଵର ର ରଙ୍ଗଭୂମୀ ଅନୁଷ୍ଠାନ ପକ୍ଷରୁ ପ୍ରଶାନ୍ତ ମହାପାତ୍ରଙ୍କ ନିର୍ଦ୍ଦେଶିତ ଓଡ଼ିଆ ନାଟକ ସମାନ୍ତର, ବରଗଡ଼ ର ସମର୍ପଣ ସାଂସ୍କୃତିକ ଅନୁଷ୍ଠାନ ଦ୍ଵାରା ରାମାଶିଷ ତ୍ରିପାଠୀ ଙ୍କ ରଚିତ ତଥା ସଞ୍ଜୟ କୁମାର ବେହେରା ନିର୍ଦ୍ଦେଶିତ ସମ୍ବଲପୁରୀ ନାଟକ ମଉଲାଭାର ଅନୁଷ୍ଠିତ ହେବ।

ଦ୍ୱିତୀୟ ଦିବସରେ କଳାହାଣ୍ଡି କଳାକାର ସଂଘ ଭବାନୀପାଟଣା ର ବିଶିଷ୍ଟ ନାଟ୍ୟକାର ପ୍ରଦୀପ ଡି ମାଝୀ ଙ୍କ ଦ୍ଵାରା ରଚିତ ଓ ନିର୍ଦ୍ଦେଶିତ ନାଟକ ଝର୍କା ଏବଂ ନାଟ୍ୟକାର ପରମେଶ୍ଵର ମୁଣ୍ଡ ଙ୍କ ରଚିତ ଓ ନିର୍ଦ୍ଦେଶିତ କଳାହାଣ୍ଡିଆ ନାଟକ ମେଘର ଦେଶେ ପାଏନ୍ ମଞ୍ଚସ୍ଥ ହେବ। ତୃତୀୟ ଦିବସରେ ନୂଆଦିଲ୍ଲୀ ର ସମ୍ନା ସ୍ୱପ୍ନ ଅନୁଷ୍ଠାନର କିଷ୍ଣା ଚନ୍ଦେର ଙ୍କ ରଚିତ ଓ ଇଶ୍ଵର ଶୂନ୍ୟ ଙ୍କ ନିର୍ଦ୍ଦେଶିତ ହିନ୍ଦୀ ନାଟକ ଓଉର ପେଡ ଗିର ଗୟା ଏବଂ କୋରାପୁଟ କଲ୍ଚରାଲ୍ ସୋସାଇଟୀ ର ହୃଦ୍ ରଞ୍ଜନ ସତପଥୀ ଙ୍କ ରଚିତ ତଥା ଯୋଗେନ୍ଦ୍ର ପ୍ରସାଦ ମହାନ୍ତି ନିର୍ଦ୍ଦେଶିତ କୋରାପୁଟିଆ ନାଟକ ରେମୋ ମଞ୍ଚସ୍ଥ ହେବ। ଏ ଅବସରରେ ନାଟକ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ବରିଷ୍ଠ ଅଭିନେତା ଭବେନ୍ଦ୍ର ପଣ୍ଡା, ନିମାଇଁ ଚରଣ ପାଣି, ମନୋଜ ଶର୍ମା, ଦେବେନ୍ଦ୍ର ବାଗ ଙ୍କୁ ସମ୍ବର୍ଦ୍ଧିତ କରାଯିବ ବୋଲି ସଂଘ ସଭାପତି କାଦିର ଖାଁ ଏବଂ ସମ୍ପାଦକ ରିଆଜ ଖାଁ ନିଜ ବକ୍ତବ୍ୟ ମାଧ୍ୟମରେ କହିଛନ୍ତି।

ସେହିଭଳି ୨୭ ତାରିଖ ସନ୍ଧ୍ୟାରେ ଓଡିଶା ଉର୍ଦ୍ଧୁ ଏକାଡେମୀ ପକ୍ଷରୁ ସାମ ଏ ଗଜଲ ପରିବେଷଣ ହେବ ବିଶିଷ୍ଟ କଣ୍ଠଶିଳ୍ପୀ ନେହା ନିହାରିକା କର ଏବଂ ଅଭିଜିତ ପାଢୀ ଯୋଗଦେବାର କାର୍ଯ୍ୟକ୍ରମ ରହିଛି। କଳାହାଣ୍ଡି କଳାକାର ସଂଘ କାର୍ଯ୍ୟାଳୟ ଠାରେ ସଭାପତି କାଦିର ଖାଁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଉପ ସଭାପତି ପଦ୍ମନାଭ କୁମ୍ଭାର, କାହ୍ନୁ ଚରଣ ଗୌଡ ସମ୍ପାଦକ ରିଆଜ ଖାଁ, କୋଷାଧ୍ୟକ୍ଷ ରଞ୍ଜିତ ସିଂ, ନିମାଇଁ ଚରଣ ପାଣି, ଉମାକାନ୍ତ ବାଗ, ସତ୍ୟ ମିଶ୍ର, ଉମା ଶଙ୍କର ମିଶ୍ର, ମନୋଜ ଶର୍ମା, ଶେଷଦେବ ମିଶ୍ର, ନାଟ୍ୟକାର ପ୍ରଦୀପ ଧଙ୍ଗଡାମାଝି, ନଳିନୀକାନ୍ତ ଦାସ, ଭୀମସେନ ସାହୁ, ବିରଞ୍ଚି ନାରାୟଣ ମୁଣ୍ଡ, ଦେବାଶିଷ ତ୍ରିପାଠୀ, ଜୟଶଙ୍କର ପଣ୍ଡା, ପ୍ରବିଣ କୁମାର ଅଗ୍ରୱାଲ, ରମେଶ ତ୍ରିପାଠୀ, ଅନିଲ ବଇଠାରୁ, ତରୁଣ ମହାପାତ୍ର, ଲଲିତ ପଟ୍ଟନାୟକ ପ୍ରମୁଖ ଏହି ପ୍ରସ୍ତୁତି ବୈଠକରେ ଉପସ୍ଥିତ ଥିଲେ।