କଳାହାଣ୍ଡି: (ନରେନ୍ଦ୍ର ନେଗୀ)ବଚସା ରୁ ସାନ ଭାଇକୁ ହତ୍ୟା କଲା ବଡ ଭାଇ l ଏଭଳି ଏକ ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା ଭବାନୀପାଟଣା ବହାଦୁର ବଗିଚା ପଡା ରେ lସୂଚଗାନାନୁଯାୟୀ, ରବିବାର ରାତ୍ରିରେ ଭବାନୀପାଟଣା ସହରର ବହାଦୁର ବଗିଚା ପଡ଼ାର ଦୁଇଭାଇ ଗଣେଶ ଏବଂ ମହେନ୍ଦ୍ରଙ୍କ ମଧ୍ୟରେ କୌଣସି କଥାକୁ ନେଇ ବଚସା ହୋଇଥିଲା l ସେହି କଥାରେ ରାଗି ସାନଭାଇ ଗଣେଶକୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା l

ବଡଭାଇ ମହେନ୍ଦ୍ର ବାଗ l ଫଳରେ ବିଳମ୍ବିତ ରାତ୍ରିରେ ଘଟଣା ସ୍ଥଳରେ ଗଣେଶଙ୍କ ମୃତ୍ୟୁ ଘଟିଥିଲା l ସୋମବାର ସକାଳେ ମହେନ୍ଦ୍ର ସ୍ଥାନୀୟ ଟାଉନ ଥାନାକୁ ଯାଇ ଆତ୍ମ ସମର୍ପଣ କରିଥିଲା l ଟାଉନ ଥାନା ପୋଲିସ ମୃତ ଦେହ ଉଦ୍ଧାର କରିବା ସହ ଜିଲ୍ଲା ମୁଖ୍ୟ ଚିକିତ୍ସାଳୟରେ ଶବ ବ୍ୟବଚ୍ଛେଦ କରିଥିଲେ l ହତ୍ୟା କାଣ୍ଡର ପ୍ରକୃତ କାରଣ ଅସ୍ପଷ୍ଟ ରହିଛି l ପୋଲିସ ଅଧିକ ତଦନ୍ତ ଜାରି ରଖିଛି