ଯାଜପୁର: ଯାଜପୁର ଜିଲା ପରିଷଦ ସମ୍ମିଳନୀ କକ୍ଷରେ ୱେବ ଚ୍ୟାନେଲ ଯାଜପୁର ନ୍ୟୁଜ ର ୨ୟ ସ୍ୱନକ୍ଷତ୍ର ଦିବସ ପାଳିତ ହୋଇଯାଇଛି। ଉଦଘାଟକ ଭାବେ ଯୋଗ ଦେଇ ଯାଜପୁର ବିଧାୟକଙ୍କ ପ୍ରତିନିଧି କର୍ଣ୍ଣାଟକେଶରୀ ଦାସ ଯୋଗ ଦେଇ ଗଣତାନ୍ତ୍ରୀକ ରାଷ୍ଟ୍ରରେ ଗଣମାଧ୍ୟମର ଭୁମିକା ଗୁରୁତ୍ୱପୂର୍ଣ୍ଣ ଥିବା ବେଳେ ଏବେ ଚାପଗ୍ରସ୍ତ ହୋଇ ମୁଖ୍ୟଧାରାର ଗଣମାଧ୍ୟମ ଗୁଡିକ ପ୍ରକୃତ ସତ୍ୟ ଓ ତଥ୍ୟକୁ ଲୋକଲୋଚନକୁ ଆଣୁନଥିବା ବେଳେ ସାମାଜିକ ଗଣମାଧ୍ୟମ ଗୁଡିକ ଅନେକ ଲୁକାୟିତ ତଥ୍ୟକୁ ସାମ୍ନାକୁ ଆଣୁଛନ୍ତି ବୋଲି ମତବ୍ୟକ୍ତ କରିଥିଲେ  ।

ଶରତ ଚନ୍ଦ୍ର ପଥାଳଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରିଷ୍ଠ ସାମ୍ବାଦିକ ସତ୍ୟପ୍ରକାଶ ନାୟକ ଯୋଗ ଦେଇ ମୂଲ୍ୟବୋଧଭିତିକ ସାମ୍ବାଦିକତା ସଂପର୍କରେ ସୁ ଦୀର୍ଘ ବକ୍ତବ୍ୟ ରଖିଥିଲେ । ଅନ୍ୟମାନଙ୍କ ମଧ୍ୟରେ ଯାଜପୁର ପୌରପାଳିକାର ଉପାଧ୍ୟକ୍ଷ ସନ୍ତୋଷ କୁମାର ମଲ୍ଲିକ,ଷ୍ଟେଟ ୟୁନିୟନ ଅପଂ ଜର୍ଣ୍ଣାଲିଷ୍ଟ ର ରାଜ୍ୟ ସଭାପତି କୈଳାସ ଚନ୍ଦ୍ର ନାୟକ, ଯାଜପୁର ନ୍ୟୁଜର ମୁଖ୍ୟ ବିରଂଚି ଦାସ ପ୍ରମୁଖ ଯୋଗ ଦେଇ ଯାଜପୁର ନ୍ୟୁଜର ୨ ବର୍ଷର ସପଂଳ ଯାତ୍ରା ସଂପର୍କରେ ଆଲୋକପାତ କରିଥିଲେ ।

ଏହି ଅବସରରେ ବରିଷ୍ଠ ସାମ୍ବାଦିକ ଆନନ୍ଦ ଚନ୍ଦ୍ର ସାହୁ ଏବଂ ଯୁବ ସାମ୍ବାଦିକ ସନ୍ଦୀପ୍ତ ରାୟଙ୍କୁ ସମ୍ବର୍ଦ୍ଧିତ କରାଯାଇଥିଲା । ଚଳିତ ବର୍ଷ ପାଇଁ ଶ୍ରେଷ୍ଠ ପ୍ରତନିଧି ଭାବେ ସୋନାଲିକା ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା । ପ୍ରାରମ୍ଭରେ ଅନ୍ୱେଷଣ ଥିଏଟର ଗୃପର କଳାକାର ମାନଙ୍କ ଦ୍ୱାରା ସ୍ୱାଗତ ସଂଗିତ ଗାନ କରାଯାଇଥିଲା ।