ହରଭଙ୍ଗା : (ଚିତ୍ତ ରଞ୍ଜନ ସିଂ)ହରଭଙ୍ଗା ବ୍ଲକ୍ ତିଲେଶ୍ୱର ଲାଲ୍ ବାହାଦୁର ବିଦ୍ୟାପୀଠ ଖେଳ ପଡିଆ ଠାରେ ୨୦  ତମ ରାଜ୍ୟସ୍ତରୀୟ ତିଲେଶ୍ଵର କପ୍ ବୁଧବାର ତୃତୀୟ ଦିନ ରେ ପହଞ୍ଚିଛି । ଟୁର୍ନାମେଣ୍ଟ ର ପ୍ରଥମ ସେମିଫାଇନା ମ୍ୟାଚ ଖୋର୍ଦ୍ଧା ରଘୁନାଥ କ୍ଳବ ସହିତ ସୋନପୁର ଜୟଦୁର୍ଗା କ୍ଲବ ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ଦର୍ଶକ ମନଭରି ଉପଭୋଗ କରିଥିଲେ l

ପ୍ରଥମ ସେମିଫାଇନାଲ ମ୍ୟାଚ ରେ ମୁଖ୍ୟ ଅତିଥିଭାବେ ବ୍ୟବସାୟୀ ଅଶୋକ ଅଗ୍ରୱାଲ, ସମ୍ମାନିତ ଅତିଥିଭାବେ ଜୟନ୍ତ ଦାସ ପୁରୁଣାକଟକ ବନାଞ୍ଚଳ ଅଧିକାରୀ, ପିତାମ୍ବରପୁର ସରପଞ୍ଚ ଅଜିତ ବାରିକ , ଆସୋସେସନ କମିଟିର ସଭାପତି ଅର୍ଜୁନ ପ୍ରଧାନ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ l ଉଭୟ ଦଳ ଘନ ଘନ ଆକ୍ରମଣ ଜାରି ରଖି ମଧ୍ୟlନ୍ତର ପୂର୍ବରୁ ସୋନପୁର ଦଳ ପ୍ରଥମ ଗୋଲ କରିଥିବା ବେଳେ ଖେଳର ଦ୍ଵିତୀୟାର୍ଦ୍ଧରେ ଖୋର୍ଦ୍ଧା ପକ୍ଷରୁ ଏକ ଗୋଲ ଦେଇ ମ୍ୟାଚକୁ ସମାନ ସ୍ଥିତିକୁ ଆଣିଥିଲା ।

ଫଳରେ ଟ୍ରାଇବ୍ରେକରର ସହାୟତା ନିଆଯାଇଥିଲା ଏଥିରେ ସୋନପୁର ଦଳ ୩-୨ ଗୋଲରେ ବିଜୟୀ ହୋଇ ଫାଇନାଲରେ ପ୍ରବେଶ କରିଛି । ଆଜିର ଟୁର୍ନାମେଣ୍ଟ ରେ ମୁଖ୍ୟ ରେଫରି ଭାବେ ସଲିଲ କୁମାର ବେହେରା, ଲାଇନ୍ସମ୍ୟାନ ଭାବେ ଶେଷଦେଵ ବେହେରା, ଗରିବ ବେହେରା ଓ ଚତୁର୍ଥ ରେଫରି ଭାବେ ଦେବବ୍ରତ ବେହେରା ଖେଳକୁ ପରିଚାଳନା କରିଥିଲେ l

ଆୟୋଜକ କମିଟିର ସମ୍ପାଦକ ଶୁଭ୍ରଜିତ ପ୍ରଧାନ, କୋଷାଧକ୍ଷ ନାରାୟଣ ମହାନ୍ତି, ଉପସଭାପତି ବିଜ୍ଞାନ କର୍ଣ, ସହ ସମ୍ପାଦକ ପ୍ରବୀଣ ବେହେରା, ବିକାଶ ମିଶ୍ର, ସିମୁନ ନାଏକ, ଚିକୁ ମହାନ୍ତି, ରାଜିବ, କିନୁ ବେହେରା ଙ୍କ ସମେତ ତିଲେଶ୍ୱର ବଜାର ଆସୋସେସନ ର ସମସ୍ତ କର୍ମକର୍ତ୍ତା ଖେଳରେ ସହଯୋଗ କରିଥିଲେ l