Aei Odisha
ଭବାନୀପାଟଣା: (ନରେନ୍ଦ୍ର ନେଗୀ)ସ୍ଥାନୀୟ ଷ୍ଟେଚୁଛକ ନିକଟରୁ ଆଜି ଏକ ବିରାଟ ଶୋଭାଯାତ୍ରା ରେ ପୁରୀ ରୁ ଆସିଥିବା ସେବାୟତ ମାନଙ୍କୁ ଭବ୍ୟ ସ୍ବାଗତ ସହ ସ୍ଥାନୀୟ ଜଗନ୍ନାଥ ମନ୍ଦିର କୁ ପାଛୋଟି ନିଆଯାଇଥିଲା।ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବ ଆସନ୍ତା ୨୦୨୪ ଜାନୁଆରୀ ୧୭ ତାରିଖ ରେ ଅନୁଷ୍ଠିତ ହେବ।ଏହି ଉତ୍ସବରେ ସାମିଲ ହେବାକୁ ଦେଶ ଓ ରାଜ୍ୟ ର ପ୍ରମୁଖ ଦେବପୀଠ କୁ ନିମନ୍ତ୍ରଣ କରାଯାଉଛି।
ଏହି ଉପଲକ୍ଷେ ଶ୍ରୀମନ୍ଦିର ସେବାୟତ ଶ୍ରୀ କେଦାରନାଥ ପତ୍ରିହାରି,ଶ୍ରୀ ଲୋକନାଥ ପତ୍ରିହାରୀ ,ଶ୍ରୀ ଚନ୍ଦ୍ର ଶେଖର ଖୁଣ୍ଟିଆ ଏବଂ ନୋଡାଲ ଅଧିକାରୀ ପୁରୀ ଜିଲ୍ଲା ପଞ୍ଚାୟତ ଅଧିକାରୀ ଶ୍ରୀ ବଳରାମ ପାତ୍ର ଆଜି ସକାଳେ ଅନୁଷ୍ଠିତ ସଭାରେ ଅତିଥି ଭାବେ ଯୋଗ ଦେଇ କକାହାଣ୍ଡି ଜିଲ୍ଲାର ୪ ଜଣ ମନ୍ଦିର ପୂଜକଙ୍କୁ ଯଥାବିଧି ଆମନ୍ତ୍ରଣ କରିଥିଲେ। ଅନୁଷ୍ଠିତ ସଭାରେ ସେବାୟତ ଅତିଥି ମାନଙ୍କୁ ଉପଢୌକନ ଓ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧନା କରାଯାଇଥିଲା।
ସଭାରେ ରାଜ୍ୟସଭା ସଦସ୍ୟ ସୁଜିତ୍ କୁମାର,ଅତିରିକ୍ତ ଜିଲ୍ଲାପାଳ ତନ୍ମୟ କୁମାର ଦର୍ୱାନ୍ ,ସି ଡି ଓ ଜିଲ୍ଲାପରିଷଦ ସଚିନ ପାୱାର ପ୍ରକାଶ, ପୌର ପରିଷଦ ଅଧ୍ୟକ୍ଷା ଶ୍ରୀମତୀ ସଂଯୁକ୍ତା ବେହେରା ଅତିଥି ରୂପେ ଯୋଗ ଦେଇ ନିଜ ବକ୍ତବ୍ୟରେ ଜଗନ୍ନାଥ ମନ୍ଦିର,ସଂସ୍କୃତି, ପରମ୍ପରା, ଐତିହ୍ୟ କୁ ସାରା ବିଶ୍ବରେ ଅଧିକ ପ୍ରଚାର ପ୍ରସାର କରିବା ନିମନ୍ତେ ସମସ୍ତଙ୍କ ସହଯୋଗ କୁ ଗୁରୁତ୍ଵ ଦେଇଥିଲେ l ସଭାରେ ବହୁ ସଂଖ୍ୟକ ଜଗନ୍ନାଥ ଭକ୍ତ, ସହରର ମାନ୍ୟଗଣ୍ୟ ବ୍ୟକ୍ତି, ଜନ ପ୍ରତିନିଧି ସହ ଶୋଭାଯାତ୍ରା ରେ ଘୁମୁରା, କୀର୍ତ୍ତନ ଦଳ ଯୋଗ ଦେଇଥିଲେ। ସଭାଟିକୁ ସଞ୍ଚାଳନ କରିଥିଲେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋଜ ବେହେରା ଏବଂ ଧନ୍ୟବାଦ୍ ଦେଇଥିଲେ ଜିଲ୍ଲା ସଂସ୍କୃତି ଅଧିକାରୀ ଅର୍ପିତା ବେହେରା l
