ଧର୍ମଗଡ଼ : (ହେମନ୍ତ କୁମାର ମାଝୀ)କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ କୋକସରା ଥାନା ଅନ୍ତର୍ଗତ ମାଳପଡା ଗ୍ରାମର ଜଣେ ଯୁବତୀ ବେକରେ ଓଢଣୀ ପକାଇ ଆତ୍ମହତ୍ୟା କରିଥିବା ଜଣାପଡିଛି । ମୃତ ଯୁବତୀ ଜଣକ ଙ୍କ ନାମ ପାର୍ବତୀ ଦୁର୍ଗା ( ୨୧) । ସେ ମାଲପଡା ଗ୍ରାମର ଭରତ ଦୁର୍ଗା ଓ ଗାୟତ୍ରୀ ଦୁର୍ଗା ଙ୍କ ଝିଅ। ସୂଚନା ମତେ ଯୁବତୀ ଜଣକ ଗୁରୁବାର ଦିନ ସକାଳ ୧୧ ଘଣ୍ଟା ସମୟରେ ଘରୁ ବାହାରି ଏକ ଚାଷ ଜମି ରେ ଥିବା ଗଛ ରେ ବେକରେ ଓଢ଼ଣୀ ଦେଇ ଝୁଲି ପଡ଼ିଥିଲେ ।

କିଛି ଲୋକ ଦେଖି ତୁରନ୍ତ ପରିବାର କୁ ଖବର ଦେବା ପରେ ପରିବାର ଲୋକେ ଦୌଡି ଆସି ଯୁବତୀ ଜନକୁ ବଞ୍ଚାଇବା ପାଇଁ ଉଦ୍ୟମ କରିଥିଲେ ସୁଦ୍ଧା ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ଖବର ପାଇ କୋକସରା ପୋଲିସ ପହଞ୍ଚି ଶବ ଜବତ କରିବା ଶହ ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନା ପଠାଇ ତଦନ୍ତ ଜାରି ରଖିଛି । ଶବ ବ୍ୟବଚ୍ଛେଦ ରିପୋର୍ଟ ଆସିଲା ପରେ ହିଁ ମୃତ୍ୟୁ ର କାରଣ ଜଣାପଡିବ ବୋଲି ତଦନ୍ତକାରୀ ପୋଲିସ ଏ ଏସ ଆଇ ସନ୍ତୋଷ କୁମାର ନାଏକ ପ୍ରକାଶ କରିଥିଲେ ।