ଯାଜପୁର : (ଆନନ୍ଦ ଚନ୍ଦ୍ର ସାହୁ )ସାଲିସ ବିହୀନ ରାଜନେତା ତଥା ପୂର୍ବତନ ବିରୋଧୀ ଦଳ ନେତା ସ୍ବର୍ଗତ ଅଶୋକ ଦାସ ଙ୍କ ୧୫ତମ ଶ୍ରାଦ୍ଧ ବାର୍ଷିକୀ। ଏହି ଅବସରରେ ଯାଜପୁର ନିର୍ବାଚନ ମଣ୍ଡଳୀ ସମେତ ଜିଲାର ବିଭିନ୍ନ ସ୍ଥାନରେ ନାନା କାର୍ଯ୍ୟକ୍ରମ ଆୟୋଜନ କରାଯାଇଛି। ସକାଳୁ ଯାଜପୁର ର ଅଧିଷ୍ଠାତ୍ରୀ ଦେବୀ ମା ବିରଜା ମନ୍ଦିରରେ ସମୂହ ଦୀପଦାନ କରାଯାଇଥିଲା।

ପରେ ମନ୍ଦିର ନିକଟରେ ଅସହାୟ ଦୁଖୀରଙ୍କି ମାନଙ୍କୁ କମ୍ବଳ ବଣ୍ଟନ କରଯାଇଥିଲା। ଏହା ପରେ ଜିଲା ମୁଖ୍ୟ ଡାକ୍ତର ଖାନା ରେ ରୋଗୀ ମାନଙ୍କୁ ଫଳ ବଣ୍ଟନ କରାଯାଇଥିଲା। ସେହିପରି ସୁଜନପୁର ରେ ଆୟୁର୍ବେଦିକ ଡାକ୍ତର ଦୀନବନ୍ଧୁ ମହାରଣାଙ୍କ ଦ୍ଵାରା ଏକ ମାଗଣା ସ୍ୱାସ୍ଥ୍ୟ ଶିବିର ଆୟୋଜନ କରାଯାଇଥିଲା। ସେହିପରି ଦଶରଥପୁର କୁଅଁସ ମଙ୍ଗଳା ମନ୍ଦିର ରେ ମଧ୍ୟ ସମୁହ ଦୀପଦାନ କରାଯାଇଥିଲା।

ସିମିଳିଆ ପଂଚାୟତ ମା ପେଟପାରିଙ୍କ ପୀଠରେ ଅଶୋକ ଦାସ ଶ୍ରଦ୍ଧାଳୁ ସମିତି ଦ୍ୱାରା ଭାଗବତ ପାଠ ସହିତ ଆଧ୍ୟତ୍ମିକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ରେ ଯାଜପୁର ଜିଲ୍ଲାର ବିଭିନ୍ନ ଅଞ୍ଚଳରୁ ସ୍ବର୍ଗତ ଦାସ ଙ୍କ ଅନେକ ପ୍ରସସଂକ ମାନେ ଯୋଗ ଦେଇ ତାଙ୍କର ବ୍ୟକ୍ତିତ୍ୱ ଓ ରାଜନୈତିକ ଜୀବନ ସମ୍ପର୍କରେ ଆଲୋଚନା କରିଥିଲେ।