Aei Odisha
ଟିଟିଲାଗଡ ; (ସଞ୍ଜୟ କୁମାର ନାୟକ) ଦୀର୍ଘ ଅଣତିରିଶ ବର୍ଷ ଧରି ୧୯୮୯ ବର୍ଷର ମାଟ୍ରିକ ବ୍ୟାଚର ବନ୍ଧୁ ମିଳନ ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଟିଟିଲାଗଡ ନିକଟସ୍ଥ ଖଜୁର ପଡ଼ା ସ୍ଥିତ ନବିନ ଜୈନଙ୍କ ଫାର୍ମ ହାଉସ ଠାରେ ଅନୁଷ୍ଠିତ ହୋଇଯାଇଅଛି। ଏହି ଅବସରରେ ୩୫ ଜଣ ଛାତ୍ରଙ୍କ ସପରିବାର ମୋଟ ୧୩୯ ଜଣ ଯୋଗଦେଇ ନିଜ ନିଜର ପରିବାର ବର୍ଗଙ୍କ ସହ ଭାବର ଆଦାନ ପ୍ରଦାନ କରିଥିଲେ।
ନିଜ ପରିବାର ସଦସ୍ୟଙ୍କ ପୁଅ ଝିଅ ମାନେ ନିଜ ନିଜର ନାଚ ଗୀତ ଏହି ମମାହୋଲକୁ ଆହୁରି ଆନନ୍ଦ ଦେଇଥିଲା। ପରିବାର ସଦସ୍ୟଙ୍କୁ ନେଇ ବିଭିନ୍ନ ପ୍ରତିଯୋଗୀତା ଅନୁଷ୍ଠିତ ହୋଇଥିଲା। ଭଲ ପ୍ରଦର୍ଶନ କରିଥିବା ସଦସ୍ୟଙ୍କୁ ପୁରସ୍କୃତ କରିଥିଲେ ଜିଲ୍ଲା ସାମ୍ବାଦିକ ସଂଘ ସଭାପତି ଶ୍ରୀ ଶିବ ପରିଡ଼ା ଏବଂ ଯୁବ ସାମ୍ୱାଦିକ ଶ୍ରୀ ସଞ୍ଜୟ କୁମାର ନାୟକ।
ଏହି ବ୍ୟ।ଚ ସଦସ୍ୟଙ୍କ ଦ୍ବାରା ବିଭିନ୍ନ ସାମାଜିକ କାର୍ଯ୍ୟ ମଧ୍ଯ କରାଯାଇଥାଏ। ଏହି ଅବସରରେ ସଙ୍ଗୀତ ମିଳନ ଗ୍ରୁପ ଦ୍ବାରା ଅତି ସୁନ୍ଦର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମକୁ ସଫଳ କରାଇବାରେ ଆୟୋଜକ କମିଟିର ସଭାପତି ଶମ୍ଭୁ ପ୍ରସାଦ ଗୋୟଲ,ସମ୍ପାଦକ ସୁରେଶ ସରାଫ, ଅନ୍ୟ ମାନଙ୍କ ମଧ୍ୟରେ କ୍ଷୀରୋଦ ଗହିର, ଅଶୋକ ଭୋଇ, ପ୍ରେମ ଛତ୍ରିଆ, ସୁଶାନ୍ତ ପଣ୍ଡା, ଜୟନ୍ତ ପାଢ଼ୀ, ଜଗଦୀଶ ସ୍ୱର ବେହେରା, ସୁଜିତ୍ ନାଗ, ମୂରଲୀ ଚନ୍ଦ୍ର ନାଗ, ଦୁର୍ଯ୍ୟୋଧନ ସାହୁ,ମହେନ୍ଦ୍ର ରାଉତ,ପି ଶଙ୍କର ରାଓଙ୍କ ସମେତ ଅନ୍ୟାନ୍ୟ ସଦସ୍ୟ ମାନେ ସହଯୋଗ କରିଥିଲେ।
