Aei Odisha
କାଶୀପୁର : (ଅଞ୍ଜନ କୁମାର ନାଏକ)ରାୟଗଡା ଜିଲ୍ଲା କାଶୀପୁର ବ୍ଲକ ସଦର ମାଁ ମାଣିକେଶ୍ବରୀ ଆଦିବାସୀ ମହାବିଦ୍ୟାଳୟ ସ୍ଥିତ ଖେଳ ପଡିଆ ଠାରେ ତିନି ଦିନ ଧରି ଚାଲିଥିବା ନୂଆ ଓ କ୍ରୀଡା କାର୍ଯ୍ୟକ୍ରମ ଆଜି ବଡ଼ ଜାଖଜଖମ ରେ ଉଜ୍ୟାପିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାନ୍ୟବର ରାୟଗଡା ବିଧାୟକ ମକରନ୍ଦ ମୁଦୁଲି ଯୋଗ ଦେଇଥିବା ବେଳେ ସମ୍ମାନିତ ଅତିଥି ରାୟଗଡା ଜିଲ୍ଲା ପରିଷଦ ଅଧ୍ୟକ୍ଷା ସରସ୍ୱତୀ ମାଝୀ ଯୋଗ ଦେଇଥିଲେ। ଏବଂ ଅନ୍ୟ ଅତିଥିଙ୍କ ମଧ୍ୟରୁ କାଶୀପୁର ବିଡ଼ିଓ ମନୀଷା ଦାସ, ଏବିଡ଼ିଓ ପଦ୍ମିନୀ କଅଁର, କାଶୀପୁର ଥାନା ଅଧିକାରୀ ସୁର୍ଯ୍ୟ ପ୍ରକାଶ ନାଏକ,ବିଇଓ ଦୀପ୍ତି ମୟୀ ସିଂ ପ୍ରମୁଖ ଉପସ୍ଥିତ ଥିଲେ।
ଏହି ତିନି ଦିନିଆ କ୍ରୀଡା କାର୍ଯ୍ୟକ୍ରମ ରେ ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମ ର ଯୁବବର୍ଗ ଅଂଶ ଗ୍ରହଣ କରିଥିଲେ ।କ୍ରୀଡା ମଧ୍ୟରୁ ଫୁଟବଲ, କ୍ରିକେଟ, ଖକ, ଭଳିବଲ ଓ କବାଡି ଭଳି ପ୍ରମୁଖ ଖେଳ ଅନୁଷ୍ଠିତ ହୋଇଥିଲା ।ବ୍ଲକ ଅନ୍ତର୍ଗତ ପ୍ରତି ଅଞ୍ଚଳର ଲୋକେ ଉପସ୍ଥିତ ରହି କାର୍ଯ୍ୟକ୍ରମକୁ ଉପଭୋଗ କରିଥିବା ଦେଖିବାକୁ ମିଳିଥିଲା ।
ଏହିଭଳି କ୍ରିକେଟ ଖେଳ ରେ ଟିକିରି ଡେଭିଲ ଇଲେଭେନ ବିଜେତା ହେଇଥିଲା ଏବଂ ଏସଏଲଜି କାଶୀପୁର ଦଳ ଦ୍ଵିତୀୟ, ଫୁଟବଲରେ ଟିକିରି ଗ୍ରାମପଞ୍ଚାୟତ ର ବିଲାମାଳ ପ୍ରଥମ,ଦ୍ୱିତୀୟରେ ଟିକିରି HS ବିଦ୍ୟାଳୟ । ଭଳିବଲରେ ଟିକିରି ମା ମଙ୍ଗଳା ଦଳ ବିଜୟ ଓ ପୋଡାପଡି ଦଳ ଦ୍ଵିତୀୟ ଆଉ କବାଡି ଖେଳ ରେ କାଶୀପୁର ଆରଆର ଗେମ ଚେଞ୍ଜେର ପ୍ରଥମ ଦ୍ୱିତୀୟ ସ୍ଥାନରେ ବିଳାମାଳ ଦଳ ।କାର୍ଯ୍ୟକ୍ରମଟି କୁ ଡବ୍ଲୁଇଓ ଅକ୍ଷୟ କୁମାର ସାହୁ , ବିଏସଏସଓ ରମାକାନ୍ତ କୁମ୍ଭାରୀକା, ବିପିଏମ କିଶୋର କରକରିଆ ପରିଚାଳନା କରିଥିଲେ।
