ମୁନିଗୁଡା: ୧୦।୧(ରାମାକାନ୍ତ ପୋଡାଳ )ରାୟଗଡ଼ା ଜିଲ୍ଲା ମୁନିଗୁଡା ବ୍ଲକ ଅଞ୍ଚଳରେ ଜଗନ୍ନାଥଙ୍କ ଅର୍ପଣ ରଥ ଭ୍ରମଣ କାର୍ଯ୍ୟକ୍ରମ ଶୁଭ ଆରମ୍ଭ ହୋଇଯାଇଥିବା ବେଳେ ଘମଟଗୁଡା,ଆମ୍ଲାଭଟା ପଞ୍ଚାୟତର ପ୍ରତ୍ୟେକ ୱାର୍ଡ ପରିକ୍ରମା କରିଛି ଜଗନ୍ନାଥଙ୍କ ଅର୍ପଣ ରଥ। ଅମ୍ଲାଭଟା ଜଗନ୍ନାଥ ମନ୍ଦିର ନିକଟରୁ ଅର୍ପଣ ରଥ ଶୁଭାରମ୍ଭ ହୋଇଥିବା ବେଳେ ଘମଟଗୁଡା ପଞ୍ଚାୟତର ଭୈରବ ମନ୍ଦିର ନିକଟରୁ ଅର୍ପଣ ରଥ ଭ୍ରମଣ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।କାର୍ଯ୍ୟକ୍ରମ ଆରମ୍ଭରେ ପୁଷ୍ପ ସଜିତ ରଥକୁ ମହିଳା କୀର୍ତ୍ତନ ବାଦ୍ୟର ତାଳେ ତାଳେ ପଞ୍ଚାୟତର ବିଭିନ୍ନ ୱାର୍ଡ ଭ୍ରମଣ କରାଯାଇଛି।ଏହି ରଥକୁ ଓ୍ବାର୍ଡ ର ସମସ୍ତ ବାସିନ୍ଦା ଭବ୍ୟ ସମ୍ବର୍ଦ୍ଧନା ଜଣାଇ ଭକ୍ତିପୂତ ଭାବରେ ସ୍ବାଗତ କରିବା ସହିତ ଗୁଆ ଚାଉଳ ଅର୍ପଣ କରିଥିଲେ।

ଜୟ ଜଗନ୍ନାଥ ଧ୍ୱନିରେ କମ୍ପି ଉଠୁଥିଲା ସମସ୍ତ ୱାର୍ଡ ଏଥିସହିତ ସଂକୀର୍ତ୍ତନର ତାଳେ ତାଳେ ଜନ ସାଧାରଣ ନାଚି ଉଠୁଥ‌ିବାର ଦେଖିବାକୁ ମିଳିଛି। ଏହି ଭବ୍ୟ କାର୍ଯ୍ୟକ୍ରମରେ ଅମ୍ଲାଭଟା ସରପଞ୍ଚ ଗୁରୁବାରି ଭୋଇ,ପଞ୍ଚାୟତ ନିର୍ବାହୀ ଅଧିକାରୀ ଗୋବିନ୍ଦ ସୁନା, ନ୍ୟାବ ସରପଞ୍ଚ ସୁବାସ ମାଝୀ, ଗ୍ରାମ ରୋଜଗାର ସେବକ ରମାକାନ୍ତ ସାହୁକାର , ଯୋଗାଣ ସହାୟକ ବିଘ୍ନେଶ୍ୱର ମହାପାତ୍ର ପ୍ରମୁଖ ଉପସ୍ଥିତ ରହି ଥିବା ବେଳେ ଘମଟଗୁଡା ପଞ୍ଚାୟତର ସରପଞ୍ଚ ଅନନ୍ତ ନୁଣ୍ଡୁରୁକା, ସମିତି ସଭ୍ୟା କୁନି କୁମାରୀ କାଦ୍ରାକା, ମଧୁ ସୁଦାନ ପଲକିଆ, ନ୍ୟାବ ସରପଞ୍ଚ ନାଗାଲୁ ଆର୍ଷାରି, ଏମବିକେ ସିଆରପି,ମିଶନ ଶକ୍ତିର କର୍ମଚାରୀ ଓ ସମସ୍ତ ୱାର୍ଡର ସଭ୍ୟ ସଭ୍ୟାଙ୍କ ସମେତ ପଞ୍ଚାୟତର କର୍ମଚାରୀ ମାନେ ଉପସ୍ଥିତ ରହି ଉକ୍ତ ଅର୍ପଣ ରଥକୁ ପରିକ୍ରମା କରାଇ ଥିଲେ। ଏହି କାର୍ଯ୍ୟକ୍ରମରେ ସମସ୍ତ ଜନ ପ୍ରତିନିଧୂଙ୍କ ସହ ଶତାଧିକ ଜନତା ଉପସ୍ଥିତ ଥିଲେ ।ଏହିଭଳି କାର୍ଯ୍ୟକ୍ରମ ମୁନିଗୁଡା ରେ ଆଗାମୀ ୧୫ ତାରିଖ ପର୍ଯ୍ୟନ୍ତ କରାଯିବା ସହ ପ୍ରତ୍ୟେକ ପଞ୍ଚାୟତରେ ଥିବା ସବୁ ୱାର୍ଡ କୁ ଭ୍ରମଣ କରିବ ବୋଲି ସୂଚନା ମିଳିଛି।