ହରଭଙ୍ଗା 🙁 ଚିତ୍ତରଞ୍ଜନ ସିଂହ ). ହରଭଙ୍ଗା ବ୍ଲକ ହରଭଙ୍ଗା ହାଇସ୍କୁଲ ଖେଳ ପଡିଆ ଠାରେ ଆସନ୍ତା ୨୭ ତାରିଖରେ ହେବାକୁ ଥିବା ଦ୍ୱିତୀୟ ହରଭଙ୍ଗା ଲୋକମହୋତ୍ସବ ଓ ପଲ୍ଲିଶ୍ରୀ ମେଳା ର ଶୁଭଖମ୍ବ ସୋମବାର ଦିନ ସ୍ଥାପନ ହୋଇଯାଇଛି l ଉକ୍ତ ଶୁଭଖମ୍ବ ସ୍ଥାପନ ଅବସରରେ ମୁଖ୍ୟ ଅତିଥିଭାବେ ଓଡିଶା ସରକାରଙ୍କ ଜଙ୍ଗଲ ପରିବେଶ, ପାନୀୟ ଜଳ, ସୂଚନା ଓ ଲୋକ ସମ୍ପର୍କ ମନ୍ତ୍ରୀ ପ୍ରଦୀପ କୁମାର ଅମାତ ଯୋଗ ଦେଇ ବ୍ରାହ୍ମଣ ଙ୍କ ମନ୍ତ୍ରପାଠ, ହରିବୋଲ ହୁଳହୁଳି ରେ ଅନୁଷ୍ଠାନିକ ଭାବେ ଶୁଭଖମ୍ବ ସ୍ଥାପନ କରାଯାଇଥିଲା l

ଏହି ଅବସରରେ ଆୟୋଜକ ଲୋକ କଳା ଓ ସାଂସ୍କୃତିକ ପରିଷଦ ହରଭଙ୍ଗା ର ଆବାହକ ହିମାଂଶୁ ଶେଖର ରାଉତ, ସଭାପତି ସୁବୋଧ ପ୍ରଧାନ,ସାଧାରଣ ସମ୍ପାଦକ ସରୋଜ ଭୋକ୍ତା,ଉପଦେଷ୍ଟା ପ୍ରଦୀପ୍ତ କୁମାର ସାହୁ, ସଦସ୍ୟ -ମାନଭଞ୍ଜନ ନାଏକ, ଜିତେନ୍ଦ୍ର ପ୍ରଧାନ, ପ୍ରମୋଦ କୁମାର ପ୍ରଧାନ, ବବୁଲୁ ଖଡ଼ିରତ୍ନ, ପ୍ରମୋଦ ଖମାରି ଙ୍କ ସମେତ ଅଂଚଳ ର ୬ ଖଣ୍ଡ ପଞ୍ଚାୟତ ର ଜନପ୍ରତିନିଧି, ମାନ୍ୟ ଗଣ୍ୟ ବ୍ୟକ୍ତି ବିଶେଷ ଓ ହରଭଙ୍ଗା ବ୍ଲକ ର ଗଣମାଧ୍ୟମ ପ୍ରତିନିଧି ଉପସ୍ଥିତ ରହିଥିଲେ l ଆସନ୍ତା ୨୭ ତାରିଖରୁ ଆରମ୍ଭ ହୋଇ ୩୧ ତାରିଖରେ ଏହି ମହୋତ୍ସବ ଉଦଯାପିତ ହେବ ବୋଲି ଆୟୋଜକ କମିଟି ପକ୍ଷରୁ ସୂଚନା ମିଳିଛି l