ହରଭଙ୍ଗା :୦୨/୦୨ ( ଚିତ୍ତରଞ୍ଜନ ସିଂ) ବୌଦ୍ଧ ଜିଲ୍ଲା ରେ ଗତ ଦୁଇ ଦିନ ତଳେ ନୂତନ ଜିଲ୍ଲା ପାଳ ଭାବେ ଜେ ସୋନାଲ କାର୍ଯ୍ୟଦାୟିତ୍ୱ ଗ୍ରହଣ କଲା ପରେ ହଠାତ କାର୍ଯ୍ୟକ୍ଷେତ୍ର ର ଦିନକ ପରେ ହରଭଙ୍ଗା ବ୍ଲକର ଉପାନ୍ତ ମହାଳିକପଡା ପଞ୍ଚାୟତ ହିଞ୍ଜଲ ଗ୍ରାମକୁ ସକାଳୁ ସକାଳୁ ପହଁଚି ସିଧା ସଳଖ ଗ୍ରାମବାସୀ ଙ୍କ ସହ ଆଲୋଚନା କରି ମୌଳିକ ସମସ୍ୟା ଉପରେ ପଚାରିବୁଝିଥିଲେ l ଅନ୍ୟପଟେ ଗ୍ରାମକୁ ଯିବାକୁ ହେଲେ ନାଳ ବାଧକ ସାଜୁଥିବାରୁ ଗ୍ରାମବାସୀ ଜିଲ୍ଲାପାଳଙ୍କୁ ଅଭିଯୋଗ କରିଥିଲେ l

ପରେ ତୁରନ୍ତ ଗ୍ରାମକୁ ପୋଲ ନିର୍ମାଣ ପାଇଁ ବିଡ଼ିଓ ଙ୍କୁ ନିର୍ଦେଶ ଦେଇଥିବା ବେଳେ ଆଜି ଉକ୍ତ ସ୍ଥାନ ରେ ପୋଲ ନିର୍ମାଣ ପାଇଁ ସ୍ଥାନ ଚିନ୍ହଟ ପ୍ରକ୍ରିୟା ଆରମ୍ଭ ହୋଇଯାଇଛି l ଏହି ସମୟ ରେ ସ୍ଥାନୀୟ ଛତ୍ରଙ୍ଗ ଆର ଆଇ ମନହୋର ମଲ୍ଲିକ, ଯନ୍ତ୍ରୀ ବାବୁଲା ବେହେରା,ସ୍ଥାନୀୟ ଜନପ୍ରତିନିଧି ଓ ଗ୍ରାମବାସୀ ଉପସ୍ଥିତ ଥିଲେ l ଏଠାରେ ପୋଲ ନିର୍ମାଣ ହେବା ଜାଣି ଅଞ୍ଚଳ ବାସୀ ଜିଲାପାଳଙ୍କୁ ଧନ୍ୟବାଦ ପ୍ରଦାନ କରିଛନ୍ତି।