Aei Odisha
ନବରଙ୍ଗପୁର : (ବେଣୁ ଗୋପାଳ ରାଓ) ଓଡ଼ିଶା ସରକାର ଙ୍କ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ମାଧ୍ୟମରେ ଆଜି ଏକ ପଞ୍ଚାୟତ ସ୍ତରୀୟ ସଚେତନତା ଶିବିର ନନ୍ଦାହାଣ୍ଡି ବ୍ଲକ୍ ଝାଡବନ୍ଧଗୁଡା ଠାରେ ଅନୁଷ୍ଠିତ ହୋଇଯାଇଅଛି।ଏହି କାର୍ଯ୍ୟକ୍ରମରେ କୃଷି ବିଭାଗ , ମତ୍ସ୍ୟ ଓ ପ୍ରାଣୀସମ୍ପଦ ବିଭାଗ ଏବଂ ପଞ୍ଚାୟତ ରାଜ୍ ପାନୀୟ ଜଳ ବିଭାଗର ଅଧିକାରୀ ଯୋଜନା ଗୁଡିକ ବିଷୟରେ ଅବଗତ କରାଇଥିଲେ।
ଝାଡବନ୍ଧଗୁଡା ସରପଞ୍ଚ ବିଭିଷଣ ସୌରା ଙ୍କ ସଭାପତିତ୍ବ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନନ୍ଦାହାଣ୍ଡି ବ୍ଲକ୍ ଅଧ୍ୟକ୍ଷ ଶ୍ରୀମତି ରଶ୍ମିତା ମାଝୀ ଯୋଗ ଦେଇଥିଲେ।
ସମ୍ମାନୀତ ଅତିଥି ଭାବେ ନନ୍ଦାହାଣ୍ଡି ଜୋନ୍ 2 ଜିଲ୍ଲା ପରିଷଦ ଅରୁଣ କୁମାର ମିଶ୍ର, ବ୍ଳକ୍ ଉପାଧ୍ୟକ୍ଷ ସଦନ ଗୌଡ, ବିଧାୟକ ପ୍ରତିନିଧି ଦୟାନିଧି ବିଶୋଇ ତଥା ଝାଡବନ୍ଧଗୁଡା ନାଏବ ସରପଞ୍ଚ , ସମିତି ମେମ୍ବର ପ୍ରମୁଖ ଉପସ୍ଥିତ ଥିଲେ। ପଞ୍ଚାୟତ ନିର୍ବାହୀ ଅଧିକାରୀ ଶଶାଙ୍କ ଶେଖର ନାୟକ ଓ ଗ୍ରାମ ରୋଜଗାର ସେବକ ଥବୀର ହରିଜନ ମଞ୍ଚ ପରିଚାଳନା କରିଥିଲେ ।
