କେସିଙ୍ଗା : (ପ୍ରୀତେଶ ପଟେଲ)କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅନ୍ତର୍ଗତ କୁର୍ଲୁ ପଡ଼ା ରେ ସ୍ଥିତ ଶକ୍ତି ଇଣ୍ଡଷ୍ଟ୍ରି ରେ ଗୁରୁବାର ଦିନ ପ୍ରାୟ ୧ ଘଣ୍ଟା ସମୟରେ କୌଣସି କାରଣରୁ ନିଆଁ ଲାଗି ଯାଇଥିଲା।କୌଣସି ପ୍ରକାର ର ଜୀବନ ହାନି ହୋଇ ନଥିଲେ ମଧ୍ୟ କାରଖାନା ର ଲକ୍ଷାଧିକ ଟଙ୍କାର କଞ୍ଚାମାଲ ପୋଡ଼ି ନଷ୍ଟ ହୋଇଯାଇଥିବା ସୂଚନା ମିଳିଛି ।

ଉକ୍ତ ଇଣ୍ଡଷ୍ଟ୍ରି ରେ ଲୁହା ଆଲମିରା ତିଆରି ହେବା ସହିତ ,ସୋଫା ,ଆଲଣା ,ପ୍ଲାଷ୍ଟିକ ଚୌକି ଓ ବିଭିନ୍ନ କଞ୍ଚାମାଲ ରହିଥିଲା ।ସେଗୁଡିକ ନିଆଁ ରେ ପୋଡି ପାଉଁଶ ହୋଇଥିବା ଜଣାପଡିଛି।ଖବର ପାଇ କେସିଙ୍ଗା ଦମକଳ ବିଭାଗ ସଙ୍ଗେ ସଙ୍ଗେ ସେଠାରେ ପହଞ୍ଚି ନିଆଁ କୁ ଆୟତ୍ତ କରିବା ପାଇଁ ଚେଷ୍ଟା କରିଥିଲା ।

ଖବର ଦେବାପରେ କେସିଙ୍ଗା ,ଭବାନୀପାଟଣା ଓ ମଦନପୁର ରାମପୁର ରୁ ଦମକଳ ଗାଡ଼ି ଆସି ଘଣ୍ଟାଏ କାଳ ନିଆଁ ଲିଭାଇବା ପାଇଁ ଚେଷ୍ଟା କରିବା ପରେ ନିଆଁ କୁ ଆୟତ୍ତ କରିପାରିଥିଲେ ଦେଖଣା ହରୀଙ୍କ ଅନୁଯାୟୀ ନିଆଁ ଏତେ ଯୋର୍ ରେ ଲାଗିଥିଲା ଜେ କାରଖାନା ର ଟିଣ ଆଜବେଷ୍ଟ ଉପରକୁ ଉଡ଼ିଯାଇଥିଲା ।କାରଖାନା ପାଖରେ ଜନବସତି ଥିଲେ ମଧ୍ୟ କାହାର କୌଣସି କ୍ଷତି ହୋଇନାହିଁ।କେଉଁ ପରିସ୍ଥିତି ଓ କେମିତି ନିଆଁ ଲାଗିଲା ତାହା ଜଣାପଡ଼ିଥିବା ବେଳେ କୌଣସି ଜୀବନ ହାନି ହୋଇ ନଥିବା ସୂଚନା ମିଳିଛି।