କେସିଙ୍ଗା : (ପ୍ରୀତେଶ ପଟେଲ)ଗତ କାଲି ସନ୍ଧ୍ୟା ରେ କେସିଙ୍ଗା ବ୍ଲକ ଅନ୍ତର୍ଗତ ବୋରିଆ ସ୍ଥିତ ବେଆଇନ ବାଲି ଘାଟ ଉପରେ ଅଚାନକ ଜିଲ୍ଲା ଲଘୁ ଖଣିଜ ବିଭାଗ ପକ୍ଷ ରୁ ଚଢ଼ାଉ କରାଯାଇଥିଲା ।

ଏହି ଚଢ଼ାଉ ରେ ଏକ ହାଇୱା ଓ ଏକ ପୋକ୍ଲିଁ ମେସିନ ଜବତ କରିଛି ଖଣିଜ ବିଭାଗ ।ଉକ୍ତ ଚଢ଼ାଉ ରେ ଖଣିଜ ବିଭାଗ ବ୍ୟତୀତ ସ୍ଥାନୀୟ ପୋଲିସ ମଧ୍ୟ ସାମିଲ ରହିଥିଲେ ।ସୂଚନା ଅନୁସାରେ କେସିଙ୍ଗା ବ୍ଲକ ଅନ୍ତର୍ଗତ ବୋରିଆ ବାଲି ଘାଟ ଟି ବିଶ୍ୱଜିତ୍ ମହାନ୍ତି ନାମକ ଏକ ବ୍ୟକ୍ତି ଙ୍କୁ ଲିଜ ଆକାର ରେ ପାଇଥିଲେ ମଧ୍ୟ ଲିଜ୍ ପାଇଁ କାଗଜ ପତ୍ର ସମୂର୍ଣ୍ଣ ହୋଇ ପାରିନଥିବା ବେଳେ ,ଉକ୍ତ ବାଲି ଘାଟ ରୁ ବାଲି ଉଠାଣ ପାଇଁ ଖଣିଜ ବିଭାଗ ପକ୍ଷରୁ କାର୍ଯ୍ୟାଦେଶ ଦିଆଯାଇ ନାହିଁ ।

ଗତ କିଛି ଦିନ ହେଲା ଏହି ବାଲି ଘାଟ ରୁ ବାଲି ଉଠାଣ କୁ ଗ୍ରାମ ବାସି ବିରୋଧ କରୁଥିବା ଖବର ପ୍ରକାଶ ପାଇଥିଲା ।ଆଜି ଏହି ଘାଟନ ର ଗୁରୁତ୍ଵ କୁ ଆଖି ଆଗରେ ରଖି ଖଣିଜ ବିଭାଗ ଅଚାନକ ଭାବେ ଚଢ଼ାଉ କରି ମେସିନ ଓ ହାଇୱା କୁ ଜବତ କରିଛି ।