Aei Odisha
ଟିଟିଲାଗଡ଼ – ( ସଞ୍ଜୟ କୁମାର ନାୟକ)କିଛି ଦିନ ତଳେ ଟିଟିଲାଗଡ଼ ନିକଟସ୍ଥ ଭାଟିପଡା ସ୍କୁଲ ଭିତରୁ ଛୁଆ ମାନଙ୍କୁ ଦେବା ନିମନ୍ତେ ରଖା ଯାଇଥିବା ଚାଉଳ ବସ୍ତା ଭିତରୁ କିଛି ବସ୍ତା ଚୋରି ହୋଇଥିବା ନେଇ ଟିଟିଲାଗଡ଼ ଥାନାରେ ଲିଖିତ ଅଭିଯୋଗ ହୋଇଥିଲା। ଏହାକୁ ଆଧାର କରି ଥାନାରେ କେଶ ରୁଜୁ ହୋଇ ଥାନାଧିକାରୀ ଶ୍ରୀ ଅବନୀ ସାହୁ ତଦନ୍ତ ଆରମ୍ଭ କରିଥିଲେ।
ତଦନ୍ତ ସମୟରେ ଭାଟିପଡା ଗ୍ରାମର କେତେଜଣ ଯୁବକଙ୍କ ସମ୍ପୃକ୍ତି ଥିବାର ଯଥେଷ୍ଟ ପ୍ରମାଣ ହସ୍ତଗତ ହେବାରୁ ଗତ ତା-୩୧.୦୩.୨୦୨୪ ରିଖ ରାତିରେ ଭାଟିପଡା ଗ୍ରାମରେ ଚଢାଉ କରି ୧- ମିନିକେତନ ଖର୍ସେଲ, ପିତା- ଗରୁଡ ଖର୍ସେଲ, ୨- ଅଭୟ ଖର୍ସେଲ @ଚୈତନ୍ୟ ଖର୍ସେଲ, ପିତା- ସ୍ଵର୍ଗତ ନବୀନ ଖର୍ସେଲ, ୩-ସୁନୀଲ ଖର୍ସେଲ, ପିତା- ସ୍ଵର୍ଗତ ନବୀନ ଖର୍ସେଲ ଓ ୪- ସାଗର ଖର୍ସେଲ , ପିତା- କମ୍ବୁଜ ଖର୍ସେଲ ସମସ୍ତଙ୍କ ଗ୍ରାମ ଭାଟିପଡା, ଥାନା- ଟିଟିଲାଗଡ, ଜିଲ୍ଲା- ବଲାଙ୍ଗିରକୁ ପ୍ରମାଣ ସହ ଗିରଫ କରାଗଲା
ସେମାନଙ୍କ ଠାରୁ ଚୋରୀ ହୋଇଥିବା ଚାରି ବସ୍ତା ମଧ୍ୟାହ୍ନ ଭୋଜନ ଚାଉଳ ସହ ଘଟଣାରେ ସମ୍ପୃକ୍ତ ଥିବା ଗୋଟିଏ Hero HF Deluxe ମୋଟର ସାଇକଲ ଯାହାର ନମ୍ବର OD08 H 7145 କୁ ଆସାମୀ ମାନଙ୍କ ଠାରୁ ଜବତ କରାଯାଇଛି ଏବଂ ସମ୍ପୃକ୍ତ ଆସାମୀ ମାନଙ୍କୁ କୋର୍ଟ ଚାଲାଣ କରାଯାଇଛି। ଟିଟିଲାଗଡ଼ ଥାନାଧିକାରୀ ଶ୍ରୀ ଅବନୀ ସାହୁଙ୍କ ଇୟେ ଆଉ ଏକ ସଫଳତା। ତାଙ୍କ ହାତରେ ଯେଉଁ କେଶ ଆସୁଚି ଯେତେ ବଡ଼ ଚୋର ହୋଇଥାଉ ନା କାହିଁକି ତାଙ୍କ ଠାରୁ ବଞ୍ଚିବା ଭାରି କଷ୍ଟକର।
