ବନ୍ୟପ୍ରାଣୀ ବନାଞ୍ଚଳ ଅଧିକାରୀ ଙ୍କ ସହିତ ଷ୍ଟେଟ ଟୁରିଜିୟମ ଟିମ ଙ୍କ ପରିଦର୍ଶନ

ବୌଦ୍ଧ (ଚିତ୍ତରଞ୍ଜନ ସିଂହ)  ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ବନ୍ୟପ୍ରାଣୀ ବନାଞ୍ଚଳ କୁସଙ୍ଗ ରେଞ୍ଜ ଅତଲସରା ଶିଶୁ ବଗିଚା ରେ ଇକୋ ଟୁରିଜିୟମ କାର୍ଯ୍ୟ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି! ଏନେଇ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଥିବା ଅନୁମାନ କରାଯାଉଛି! ଉକ୍ତ ପ୍ରକଳ୍ପ   ପୂର୍ବ ବିଧାୟକ କେବଳ ନିର୍ବାଚନ ବୈତରଣୀ ପାର ହେବାପାଇଁ ଭିତ୍ତି ପ୍ରସ୍ଥର ସ୍ଥାପନ କରାଯାଇଥିବା ନେଇ ଅଞ୍ଚଳ ବାସି ବୁଦ୍ଧିଜୀବୀ ମହଲରେ ଆଲୋଚନା ହେଉଥିବା ଜଣାପଡିଛି  l

ବର୍ତମାନ ନୂତନ ସରକାର ଆସିବା ପରେ ଗତ କାଲି ବନ୍ୟପ୍ରାଣୀ ବନାଞ୍ଚଳ ଉତ୍ତରାଞ୍ଚଳ RCCF ସୁଧାଂଶୁ ଶେଖର ଖୁରା, ନୟାଗଡ଼ DFO -ଫାଲ୍ଗୁନୀ ସାରଥୀ ମଲ୍ଲିକ, ACF -ଦେବି ପ୍ରସାଦ ରାଉତ ଓ ଡ଼ା. ସୁଦୀପ୍ତ ମହାପାତ୍ର ଙ୍କ ସମେତ ଷ୍ଟେଟ ଟୁରିଜିୟମ ଟିମ, କୁସଙ୍ଗ ରେଞ୍ଜ ଅଧିକାରୀ ସଂସାର ବର୍ଗିଆ, ବନପାଳ ପ୍ରଶାନ୍ତ ଗୁରୁ, ଶ୍ରୀନିବାସ କହଁର ଉପସ୍ଥିତ ରେ ଶିଶୁ ବଗିଚା ପରିଦର୍ଶନ କରିଥିଲେ l

ଯଥାଶୀଘ୍ର ଏହି ଇକୋ ଟୁରିଜିୟମ କାର୍ଯ୍ୟ ଆରମ୍ଭ ହେବା ସହିତ କୁମାରୀ ବିଟ ନିକଟରେ 2ଏକର ବିଶିଷ୍ଠ ଜାଗାରେ ଲୋକଙ୍କ ଜାନ ବାହାନ ପlର୍କିଙ୍ଗ ପାଇଁ ଜାଗା ଚିନ୍ହଟ ହୋଇଥିବା ଜଣାପଡ଼ିଛି  ! ଏହି ପ୍ରକଳ୍ପ କାର୍ଯ୍ୟ ଖୁବ ଶୀଘ୍ର କାର୍ଯ୍ୟକାରୀ ହେଲେ ଅଞ୍ଚଳ ବାସି ଓ ପର୍ୟ୍ୟଟକ ମାନେ ମନ ଭରି ଉପଭୋଗ କରିପାରିବେ ବୋଲି ଆଶା କରାଯାଉଛି