ସୁନ୍ଦରଗଡ଼ କୁ ହରାଇ ଭୁବନେଶ୍ୱର ବିଜୟୀ

ହରଭଙ୍ଗା ୧୯/୦୧ :- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଅନ୍ତର୍ଗତ ତିଳେଶ୍ୱର ହାଇସ୍କୁଲ ଖେଳପଡିଆ ଠାରେ ବଜାର ଆସୋସିଏସନ ପକ୍ଷରୁ ୨୧ତମ ତିଳେଶ୍ୱର କପ ରାଜ୍ୟସ୍ତରିୟ ଫୁଟବଲ ଟୁର୍ନାମେଣ୍ଟ ସପ୍ତମ ଦିନର ମ୍ୟାଚ ମଙ୍ଗଳବାର ଅନୁଷ୍ଠିତ ହୋଇଯାଇଛି । ଆଜିର ମ ଆସୋସିଏସନ ପକ୍ଷରୁ ମହିଳା ଫୁଟବଲ ପ୍ରଦର୍ଶନୀ ମ୍ୟାଚ ସୁନ୍ଦରଗଡ଼ ସ୍ପୋର୍ଟସ ହଷ୍ଟେଲ ଓ କ୍ୟାପିଟାଲ ଫୁଟବଲ ଏକାଡେମୀ ମଧ୍ୟରେ ଅନୁଷ୍ଠିତ ହୋଇଯାଇଛି । ଉଭୟ ଦଳର ସଂଘର୍ଷପୂର୍ଣ୍ଣ ମ୍ୟାଚରେ ମଧ୍ୟାନ୍ତର ପୂର୍ବରୁ ଭୁବନେଶ୍ୱର ଦଳ ପକ୍ଷରୁ ଗୋଟିଏ ଗୋଲ ସ୍କୋର କରି ୧.୦ ଗୋଲରେ ଆଗୁଆ ହୋଇଥିଲା ଦଳ ।
ମ୍ୟାଚର ଦ୍ଵିତୀୟର୍ଦ୍ଧ ପର୍ଯ୍ୟନ୍ତ ପରେ ସୁନ୍ଦରଗଡ଼ ପକ୍ଷରୁ ଗୋଲ ପରିଷଦ ପାଇଁ ପ୍ରୟାସ କରାଯାଇଥିଲେ ସୁଦ୍ଧା ଗୋଲ ପରିଷଦ କରିନପାରି ଦଳ ପରାଜୟ ସମ୍ମୁଖୀନ ହୋଇଥିଲା । ଫଳରେ ଭୁବନେଶ୍ୱର ଦଳ ୧.୦ ଗୋଳରେ ବିଜୟୀ ହୋଇଥିଲା। ପରେ ଏକ ପୁରସ୍କାର ବିତରଣ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା ।

ସଭାପତି ଅର୍ଜୁନ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଶିଳ୍ପପତି ଅଶୋକ କୁମାର ଅଗ୍ରୱାଲ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସ୍ୱତନ୍ତ୍ର ଅତିଥି ଭାବରେ ଅନୁଗୁଳ ଜିଲ୍ଲା ବିଜେପି ଉପସଭାପତି ଅର୍ଜୁନ କୁମାର ସାହୁ , ଆସୋସିଏସନ ମୁଖ୍ୟ ଉପଦେଷ୍ଟା ପ୍ରଶାନ୍ତ କୁମାର ପ୍ରଧାନ , ସମ୍ପାଦକ ମହେଶ୍ୱର ମହାପାତ୍ର ମଞ୍ଚସିନ ହୋଇଥିଲେ । ମହିଳା ରେଫରି ଅମୀରା ପ୍ରଧାନ ଓ ଶ୍ରେଷ୍ଠ ଖେଳାଳି ଭାବରେ ଭୁବନେଶ୍ୱର ଦଳର ମନୀଷା ବେହେରାଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ଉଭୟ ଦଳର ଖେଳାଳିଙ୍କୁ ଟ୍ରଫି ଓ ଭୈରବୀଙ୍କ ଫୋଟୋ ଚିତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ଆସନ୍ତାକାଲି ଫାଇନାଲ ମ୍ୟାଚ ମଙ୍ଗଳା କ୍ଲବ କଟକ ଓ ଝାରସୁଗୁଡା ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି ଆୟୋଜନ କମିଟି ପକ୍ଷରୁ ସୂଚନା ଦିଆଯାଇଛି । ଖେଳକୁ ମୁଖ୍ୟ ରେଫରି ଭାବରେ ଅମୀରା ପ୍ରଧାନ ପରିଚାଳନା କରିଥିବା ବେଳେ ଲାଇନସ ଭାବେ ଲକ୍ଷ୍ମଣ ସେଠ ,ସୁଜିତ ରାଜହଂସ ଓ ଚତୁର୍ଥ ରେଫରି ଭାବେ ସଲିଲ ବେହେରା ଦାୟିତ୍ୱ ତୁଲାଇ ଥିଲେ l

ସିମୁନ ନାଏକ ଙ୍କ ଦ୍ୱରା ଖେଳ ର ଧାରା ବିବରଣୀ ପ୍ରଦାନ କରାଯାଇଥିଲା l ଦିର୍ଘ ବର୍ଷ ପରେ ମହିଳା ମ୍ୟାଚ ହେଉଥିବାରୁ ମହିଳାଙ୍କ ଖେଳ କୌଶଳ ଦେଖିବାକୁ ସୁଦୂର ଅନୁଗୋଳ ଜିଲ୍ଲା ଆଠମଲ୍ଲିକ, ବୌଦ୍ଧ ଜିଲ୍ଲା ର ବିଭିନ୍ନ ସ୍ଥାନରୁ ହଜାର ହଜାର ଦର୍ଶକ ଙ୍କ ଗହଳି ପରିଲକ୍ଷିତ ହୋଇଥିବା ଦେଖିବାକୁ ମିଳିଥିଲା । ଏଥିରେ ଆସୋଷିଏସନ ର ନାରାୟଣ ମହାନ୍ତି, ବିକାଶ ମିଶ୍ର, ଅଜିତ ମହାନ୍ତି, ଶୁଭ୍ରଜିତ ପ୍ରଧାନ, ପ୍ରବୀଣ ବେହେରା, କିନୁ ବେହେରା, କାହ୍ନା ବାରିକ, ବୁଲୁନ ବେହେରା ଙ୍କ ସମେତ ସମସ୍ତ କର୍ମ କର୍ତ୍ତା ସହଯୋଗ କରିଥିଲେ l