ହରଭଙ୍ଗା (ଚିତ୍ତରଞ୍ଜନ ସିଂହ)- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଅନ୍ତର୍ଗତ ତିଲେଶ୍ୱର ହାଇସ୍କୁଲ ଖେଳପଡିଆ ଠାରେ ବଜାର ଆସୋସିଏସନ ପକ୍ଷରୁ ୨୧ତମ ତିଳେଶ୍ୱର କପ ରାଜ୍ୟସ୍ତରିୟ ଫୁଟବଲ ଟୁର୍ନାମେଣ୍ଟ ଉଦଯାପନୀ ଦିବସ ବା ଫାଇନାଲ ମ୍ୟାଚ ସେକେଣ୍ଡ ବାଟାଲିୟନ ଝାରସୁଗୁଡା ସହିତ ମଙ୍ଗଳା କ୍ଳବ କଟକ ମଧ୍ୟରେ ବୁଧବାର ଅନୁଷ୍ଠିତ ହୋଇଯାଇଛି ।ପ୍ରଥମାର୍ଦ୍ଧ ରେ ଝାରସୁଗୁଡା ଦଳ 2/0ଗୋଲ ରେ କଟକ କୁ ଗୋଲ ଦେଇ ଦଳକୁ ଆଗକୁ ନେଇଥିଲେ l ମଧ୍ୟାନ୍ତର ପରେ କଟକ ପକ୍ଷରୁ ଗୋଟିଏ ଗୋଲ ସ୍କୋର ଝାରସୁଗୁଡା କୁ ପରିଶୋଧ କରିବାରେ ସକ୍ଷମ ହୋଇଥିଲା l

ଫଳରେ ନିର୍ଦ୍ଧାରିତ ସମୟ ଭିତରେ ସେକେଣ୍ଡ ବାଟାଲିୟନ ଝାରସୁଗୁଡା 2/1ଗୋଲ ରେ ବିଜୟୀ ହୋଇ ତିଲେଶ୍ୱର କପ ର ୟୁନର ଟ୍ରଫି ର ବିଜେତା ହୋଇଥିଲେ l ଆଜି ତିଲେଶ୍ୱର କପ ଫାଇନାଲ ମ୍ୟାଚ ରେ ମୁଖ୍ୟ ଅତିଥି ଭାବେ ସରୋଜ କୁମାର ପ୍ରଧାନ ବୌଦ୍ଧ ବିଧାୟକ ତଥା ମୁଖ୍ୟ ସଚେତକ ଓଡିଶା ସରକାର,ସମ୍ମାନିତ ଅତିଥିଭାବେ ଆସୋସିଏସନ ର ସଭାପତି ଅର୍ଜୁନ ପ୍ରଧାନ, ମୁଖ୍ୟ ଉପଦେଷ୍ଟା ପ୍ରଶାନ୍ତ ପ୍ରଧାନ ଓ ସମ୍ପାଦକ ମହେଶ୍ୱର ମହାପାତ୍ର ମଞ୍ଚାସିନ ରହି ତିଲେଶ୍ୱର କପ ବିଜେତା ସେକେଣ୍ଡ ବାଟାଲିୟନ ଝାରସୁଗୁଡା ଦଳ କୁ ବିଜେତା ଟ୍ରଫି ଓ ପୁରସ୍କାର ରାଶି 25 ହଜାର 25ଟଙ୍କା ସହିତ ପରାଜିତ ଦଳ ମଙ୍ଗଳା କ୍ଳବ କଟକ କୁ ଟ୍ରଫି ସହିତ ପୁରସ୍କାର ରାଶି 20ହଜାର 20ଟଙ୍କା ପ୍ରଦାନ କରାଯାଇଥିଲା l

ଫାଇନାଲ ଖେଳକୁ ମୁଖ୍ୟ ରେଫରି ଭାବରେ ଶିବ ଶଙ୍କର ପଣ୍ଡା ଖେଳ କୁ ସୁଚାରୁ ରୂପେ ପରିଚାଳନା କରିଥିବା ବେଳେ ସଲିଲ କୁମାର ବେହେରା ଓ ସୁଜିତ ରାଜହଂସ ଲାଇନ୍ସ ମ୍ୟାନ ଏବଂ ଲକ୍ଷ୍ମନ ସେଠ ଚତୁର୍ଥ ରେଫରି ଭାବେ ଖେଳ ଦାୟିତ୍ୱ ତୁଲାଇ ଥିଲେ l ଉଦ୍ଘାଟନୀ ଦିବସ ଠାରୁ ଉଦଯାପନୀ ଦିବସ ପର୍ଯ୍ୟନ୍ତ ପ୍ରତି ଦିନ ସଂଯୋଜକ ସିମୁନ ନାଏକ ଙ୍କ ଦ୍ୱାରା ଖେଳ ର ଧାରା ବିବରଣୀ ପ୍ରଦାନ କରାଯାଇଥିଲା l ଆଠ ଦିନ ଧରି ଚାଲିଥିବା ରାଜ୍ୟ ସ୍ତରୀୟ ଫୁଟବଲ ଟୁର୍ନାମେଣ୍ଟ 2025 ତିଲେଶ୍ୱର କପ କୁ ବଜାର ଆସୋସିଏସନ ର ନାରାୟଣ ମହାନ୍ତି, ବିକାଶ ମିଶ୍ର, ଅଜିତ ମହାନ୍ତି, ଶୁଭ୍ରଜିତ ପ୍ରଧାନ, ପ୍ରବୀଣ ବେହେରା, କିନୁ ବେହେରା, କାହ୍ନା ବାରିକ, ବୁଲୁନ ବେହେରା ଙ୍କ ସମେତ ସମସ୍ତ କର୍ମ କର୍ତ୍ତା ସହଯୋଗ କରିଥିଲେ l ଏହି ଟୁର୍ନାମେଣ୍ଟ ଅଞ୍ଚଳ ର ଖେଳାଳି ଓ ଛାତ୍ର ଛାତ୍ରୀ ଙ୍କୁ ଫୁଟବଲ ଖେଳ ପାଇଁ ପ୍ରେରଣା ସୄଟି କରିବ