ବୌଦ୍ଧ( ଚିତ୍ତରଞ୍ଜନ ସିଂହ ) ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଜର୍ଣ୍ଣାଲିଷ୍ଟ ଆସୋସିଏସନ ପକ୍ଷରୁ ତିଲେସ୍ୱର ବୁରୁଗୁଡା ଶିବ ମନ୍ଦିର ପ୍ରାଙ୍ଗଣ ରେ ସାତ ଦିନ ବ୍ୟାପି ଚାଲିଥିବା ସେବା ମହୋତ୍ସବ ଉଦଯାପିତ ହୋଇଯାଇଛି । ଉଦଯାପନି ସନ୍ଧ୍ୟା ରେ ପ୍ରଥମେ ରାମଗଡ଼ ସ୍ଥିତ ବୁଢ଼ୀବାଉରୀ ମନ୍ଦିର ରୁ ମା ଙ୍କ ଆଶୀର୍ବାଦ ନେଇ ଦିବ୍ୟ ଜ୍ୟୋତି ଏକ ବିରାଟ ଶୋଭାଯାତ୍ରାରେ ଆସି ମଞ୍ଚ ରେ ସ୍ଥାପନ କରାଯାଇଥିଲା । ପରେ ସ୍ଥାନୀୟ କୁନି କୁନି ଛାତ୍ରଛାତ୍ରୀ ଙ୍କ ଦ୍ଵାରା ସଂକୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା ।

ସଭାରେ ମୁଖ୍ୟ ଅତିଥି ଭାବେ ବୌଦ୍ଧ ବିଧାୟକ ତଥା ସରକାରୀ ଦଳ ମୁଖ୍ୟ ସଚେତକ ସରୋଜ ପ୍ରଧାନ ଓ ସଂମ୍ମାନୀତ ଅତିଥି ଭାବେ ବୌଦ୍ଧ ଜିଲ୍ଲାପାଳ ସୁବ୍ରତ କୁମାର ପଣ୍ଡା ,ବୌଦ୍ଧ ଉପଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ ଯୋଗ ଦେଇଥିଲେ । ସଂଘ ର ସଭାପତି ସୁକାନ୍ତ ପଟନାୟକ ସଭା କାର୍ଯ୍ୟ କୁ ଆରମ୍ଭ କରିଥିଲେ ।ସଂଘ ର ସମ୍ପାଦକ ଭାଗବତ ମେହେର ମହୋତ୍ସବ ର ସମ୍ପାଦକୀୟ ବିବରଣୀ ପାଠ କରିଥିଲେ । ଗତ ଛଅ ଦିନ ଧରି ସଂଘ ସେବା ମହୋତ୍ସବ କୁ ନେଇ ବୃକ୍ଷ ରୋପଣ, ଗୋସେବା, ସାଧୁସନ୍ଥ ସେବା, ରକ୍ତଦାନ ଶିବିର, ଚକ୍ଷୁ ଚିକିତ୍ସା ଶିବିର, ଜନ ସାଧାରଣ ଙ୍କୁ ପଣା ବଣ୍ଟନ ଓ ମାଗଣା ସ୍ୱାସ୍ଥ୍ୟ ମେଳା କରିବା ସହ ଅଞ୍ଚଳ ଅସହାୟ ବ୍ୟକ୍ତି ଙ୍କୁ ଚିହ୍ନଟ କରି ତାଙ୍କ ଘରେ ପହଞ୍ଚି ଅସୁବିଧା କୁ ଲାଘବ କରିବା ପାଇଁ ପ୍ରୟାସ କରିବା ସହ ସେବା କିଟି ସଂଘ ର ସଦସ୍ୟମାନେ ପ୍ରଦାନ କରିଥିଲେ ବୋଲି କହିଥିଲେ ।

ପରବର୍ତ୍ତୀ ପର୍ଯ୍ୟାୟରେ ଅତିଥିମାନେ ପୂର୍ବରୁ ଚିହ୍ନଟ ବୃଦ୍ଧବୃଦ୍ଧା ଙ୍କୁ ସେବା କୀଟ ମଞ୍ଚ ରେ ପ୍ରଦାନ କରିଥିଲେ । ଅନ୍ୟପଟେ ଆଗାମୀ ଦିନ ରେ ମହୋତ୍ସବ କୁ ଆହୁରି ସରଶ ସୁନ୍ଦର କରିବା ପାଇଁ ଆମେ ପ୍ରୟାସ କରିବା ବୋଲି ବୌଦ୍ଧ ଜିଲ୍ଲାପାଳ ଓ ବିଧାୟକ କହିଛନ୍ତି । ପରେ ସେବା କ୍ଷେତ୍ର ରେ ଉଲ୍ଲେଖନିୟ କାର୍ଯ୍ୟ କରିଥିବା ବ୍ୟକ୍ତିଙ୍କୁ ଅତିଥି କରକମଳ ରେ ସେବା ସଂମ୍ମାନ ରେ ସଂମ୍ମାନୀତ କରିଥିଲା ସଂଘ । ଏଥିରେ ସଂଘ ର ସମସ୍ତ କର୍ମକର୍ତ୍ତା ସହଯୋଗ କରିଥିଲେ ।ଶେଷରେ ପଶ୍ଚିମ ଓଡିଶାର ସୁନାମଧନ୍ୟ ଗାୟକ ଗାୟିକା ପଙ୍କଜ ଜାଲ ଓ ମାନସୀ ପାଣିଗ୍ରାହୀ ଙ୍କ ଦ୍ଵାରା ଭଜନ ସନ୍ଧ୍ୟା ର ଆୟୋଜନ କରାଯାଇଥିଲା । ଏଇ ସେବା ମହୋତ୍ସବ ରେ ଜର୍ଣ୍ଣାଲିଷ୍ଟ ଅସସୋସିଏସାନ ର ସାମ୍ବାଦିକ ଚିତ୍ତରଞ୍ଜନ ସିଂହ,ବନମାଳୀ ପ୍ରଧାନ, କୁମୁଦ ସାହୁ,ସଦାନଂଦ ନାୟକ, ଅକ୍ଷୟ ସାହୁ, ସୁଶାନ୍ତ ବେହେରା, କୁନା ବେହେରା ଓ ସମସ୍ତେ ସହଯୋଗ କରିଥିଲେ