ବୌଦ୍ଧ: ୮ /୧୨ (ଚିତ୍ତ ରଂଜନ ସିଂ ) ବୌଦ୍ଧ କଚେରୀ ପଡିଆ ଠାରେ ଜିଲ୍ଲା ଜୋର୍ଣ୍ଣାଲିଷ୍ଟ ଫୋରମ ପକ୍ଷରୁ ଚାଲିଥିବା ଅଷ୍ଟାଦଶ ବୌଦ୍ଧ ପୁସ୍ତକ ମେଳା ଗୁରୁବାର ଦିନ ପଞ୍ଚମ ସନ୍ଧ୍ୟା ରେ ତାର ବାର୍ଷିକ ଉତ୍ସବ ପାଳନ ହେବା ସହ ବାର୍ତ୍ତାବହ ଉନ୍ମୋଚିତ ହୋଇଯାଇଛି l ପଞ୍ଚମ ସନ୍ଧ୍ୟା ରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ମୁଖ୍ୟ ରବି ନାରାୟଣ ତ୍ରିପାଠୀ, ଅନ୍ୟତମ ଅତିଥି ଭାବେ ସୁ ସାହିତ୍ୟିକା ଗାୟତ୍ରୀ ସରାଫ, ସାମ୍ବାଦିକା ବବିତା ସ୍ୱାଇଁ,ଓ ଫୋରମ ସଭାପତି ଦିବ୍ୟ ସଙ୍କର ରାଉତ, ସମ୍ପଦକ ଯୁଗଳ କିଶୋର ସାମଲ ପ୍ରମୁଖ ମଞ୍ଚସିନ ଥିଲେ l ସତ୍ୟଜିତ ପଣ୍ଡା ମଞ୍ଚ ପରିଚାଳନା କରିଥିଲେ l

ଏହି ଅବସରରେ ବିଭିନ୍ନ କ୍ଷେତ୍ର ରେ କୃତି ଅର୍ଜନ କରିଥିବା ପ୍ରତିଭା ଙ୍କୁ ମଞ୍ଚ ରେ ସନମାନିତ କରାଯାଇଥିବା ବେଳେ ଚଳିତ ବର୍ଷ ବୌଦ୍ଧ ଜିଲ୍ଲା ସାମ୍ବାଦିକତା କ୍ଷେତ୍ର ରେ ନିଜର କୃତି ଅର୍ଜନ କରିଥିବା ସାମ୍ବାଦିକ ଅବଦୁଲ ମସିନ ଖାଁ ଓ ମୁଦ୍ରିତ ଗଣମାଧ୍ୟମ କ୍ଷେତ୍ର ରେ ଦୈନିକ ସକାଳ ହରଭଙ୍ଗା ବ୍ଳକ ପ୍ରତିନିଧି ଭାଗବତ ମେହେର ଙ୍କୁ ମଧ୍ୟ ପୁସ୍ତକ ମେଳା ସନମାନ ୨୦୨୩ ରେ ସମ୍ବର୍ଦ୍ଧିତ କରାଯାଇଥିଲା l. ପଞ୍ଚମ ସନ୍ଧ୍ୟା ରେ ରୁକୁ ସୁନା ସମ୍ବଲପୁରୀ ମେଲୋଡି ଟ୍ରୁପ କାର୍ଯ୍ୟକ୍ରମ ପରିବେଷଣ ହୋଇଥିଲା ଏହି କାର୍ଯ୍ୟକ୍ରମ କୁ ଫୋରମ ର ସମସ୍ତ ସଦସ୍ୟ, ସଦସ୍ୟା ମାନେ ସହଯୋଗ କରିଥିଲେ l