Aei Odisha
କାଶୀପୁର: (ଅଞ୍ଜନ କୁମାର ନାଏକ)ରାୟଗଡା ଜିଲ୍ଲା କାଶୀପୁର ଥାନା ଅନ୍ତର୍ଗତ ଖୁରି ଗାଁ ମେଘା ପ୍ରକଳ୍ପ ଡିପୋ ରେ ଆଜି ସନ୍ଧ୍ୟା ସମୟରେ କୋୖଣସି କାରଣରୁ ନିଆଁ ସଂଯୋଗ ହେଇ ଏକ କୋଟି ରୁ ଉର୍ଦ୍ଧ୍ବ ଟଙ୍କାର ଗଛିତ ଥିବା ପ୍ଲାଷ୍ଟିକ ପାଇପ ଘଣ୍ଟାଏ ଭିତରେ ପୋଡି ପାଉଁଶ ହୋଇଯାଇଛି ।
ସୂଚନା ପ୍ରକାରେ କାଶୀପୁର ବ୍ଲକ ଅନ୍ତର୍ଗତ ୨୪ ଗୋଟି ଗ୍ରାମ ପଞ୍ଚାୟତ ରେ ୪ଶହ କୋଟି ଟଙ୍କା ବ୍ୟୟ ଅଟକଳ ଯୁକ୍ତ କାମ କୁ ସ୍ଥାନୀୟ ଜନସାଧାରଣ ଉଦ୍ଧେଶ୍ୟ ରେ ପାନୀୟ ଜଳଯୋଗାଣ ସକାଶେ ରାଜ୍ୟ ବାହାର ଏକ KEC ଇଣ୍ଟେରନେସନାଲ ନାମକ ଏକ ଘରେଇ ସଂସ୍ଥା ଦୁଇବର୍ଷ ଧରି ଏଠାରେ କାମ କରିଆସୁଥିଲା ।
ସେ ବ୍ଳକ ଅନ୍ତର୍ଗତ “କାଳିଆ ପୋଡା, କାଙ୍ଗତୁମ୍ବା, ଖୁରି ଗାଁ ଓ ଶିଆଡି ମାଲ ଭଳି ୪ ଟି ସ୍ଥାନରେ ନିଜର ଅସ୍ଥାୟୀ ଡ଼ିପୋ ଖୋଲି ସଂପୃକ୍ତ କାମ ପାଇଁ ପାଇପ ଗଛିତ ରଖି କାମ କରୁଥିବା ବେଳେ ଆଜି ହଟାତ କୌଣସି କାରଣ ରୁ ଏହା ପ୍ରାୟ ସନ୍ଧ୍ୟା ୬ଟା ସମୟ ପରେ ନିଆଁ ଲାଗିଯାଇଥିଲା ।ଉକ୍ତ ଘଟଣା ଦେଖି ସ୍ଥାନୀୟ ଲୋକ ତୁରନ୍ତ କାଶୀପୁର ଅଗ୍ନିଶମ ବିଭାଗ କୁ ଯୋଗାଯୋଗ କରିଥିଲେ । କିନ୍ତୁ ନିଆଁ ର ଭୟାବହ ଏତେ କ୍ଷିପ୍ର ଥିଲା ଯେ ଅଗ୍ନିଶମ ଗାଡି ପହଁଚିବା ବେଳକୁ ଗଛିତ ପାଇପ ମଧ୍ୟରୁ ଅଧା ପୋଡି ପାଉଁଶ ହେଇଯାଇଥିଲା ।
ହେଲେ ଘଟଣା ରେ କାରଣ ଅସ୍ପଷ୍ଟ ଥିବାବେଳେ ସ୍ଥାନୀୟ ଜନସାଧାରଣ ମନରେ ସନ୍ଦେହ ସୃଷ୍ଟି ହେଉଥିବା ଦେଖିବାକୁ ମିଳିଛି ।ପ୍ରକାଶ ଥାଉକି ଉକ୍ତ କାର୍ଯ୍ୟ ର ସମୟ ଅବଧି ସମାପ୍ତ ହେଉଥିବା ବେଳେ କାର୍ଯ୍ୟଟି ମନ୍ଥର ଗତିରେ ଚାଲୁଥିବା ନେଇ ବିଭିନ୍ନ ମହଲ ରେ ଅଭିଯୋଗ ହେଉଥିଲା। ଏହାକୁ ଆଧାର କରି ରାୟଗଡା ମାନ୍ୟବର ବିଧାୟକ ଶ୍ରୀ ମକରନ୍ଦ ମୁଦୁଲି ବିଧାନସଭା ରେ ଥରେ ଅଧେ ସଂପୃକ୍ତ ମନ୍ତ୍ରୀ ଙ୍କୁ ପ୍ରଶ୍ନ ରଖିଥିଲେ । ହେଲେ ଖବର ଲେଖା ର ଅନ୍ତ ସମୟରେ ନିଆଁ କୁ ଆୟତ୍ତ କରିଥିବା ଓ ଅଭିଯୋଗ ର ତଦନ୍ତ ପରେ ସତ୍ୟ ସତ୍ୟା ପଦାକୁ ଆସିବ ବୋଲି କାଶୀପୁର ଥାନା ଅନ୍ତର୍ଗତ ସୂର୍ଯ୍ୟ ପ୍ରକାଶ ନାଏକ ପ୍ରକାଶ କରିଛନ୍ତି ।
