Aei Odisha
ବୌଦ୍ଧ 🙁 ଚିତ୍ତରଞ୍ଜନ ସିଂହ )ବୌଦ୍ଧ ଜିଲ୍ଲା କଣ୍ଟାମାଳ ନିର୍ବାଚନମଣ୍ଡଳୀ ଅନ୍ତର୍ଗତ ଶିମିଳିପଦର ପଞ୍ଚାୟତର ଜାମୁମାଳଠାରେ ବୌଦ୍ଧ ବ୍ଳକ ଅଧ୍ୟକ୍ଷ ତଥା ବରିଷ୍ଠ ବିଜେଡି ନେତା ପ୍ରିୟ ଦର୍ଶୀ ପ୍ରତ୍ୟୁଷ ରଥଙ୍କ ଅଧକ୍ଷତାରେ ନିର୍ବାଚନମଣ୍ଡଳୀର ନେତା ପରିବର୍ତ୍ତନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।
ବର୍ତ୍ତମାନ ନିର୍ବାଚନମଣ୍ଡଳୀର ନେତା ଦୁର୍ନିତ ଗ୍ରସ୍ଥ ଆମଦାନୀ ନେତାଙ୍କୁ ମୁଣ୍ଡରେ ବସାଇ ପ୍ରକୃତ ବିଜେଡି ନେତାଙ୍କୁ ହତାଦର କରିବା, ସମସ୍ତ ଆମଦାନୀଙ୍କୁ ଠିକାଦାର ସଜେଇ ନିମ୍ନ କାର୍ଯ୍ୟ କରାଇବା , ନବୀନ ସରକାରଙ୍କ ବିଭିନ୍ନ ଯୋଜନାକୁ ବାଟମାରଣା ଆଦି ବିଷୟରେ ଆଲୋଚନା କରାଯାଇ ପରବର୍ତ୍ତି ପଦକ୍ଷେପ ସ୍ୱରୂପ ଆସନ୍ତା ଦିନମାନଙ୍କରେ କଣ୍ଟାମାଳ ନିର୍ବାଚନମଣ୍ଡଳୀର ପ୍ରତିନିଧିଙ୍କୁ ହଟାଇ ନୂତନକୁ ପ୍ରାଧାନ୍ୟ ପାଇଁ ପ୍ରତି ପଞ୍ଚାୟତରେ ବିଜେଡି ନେତା ପ୍ରିୟ ଦର୍ଶୀ ପ୍ରତ୍ୟୁଷ ରଥଙ୍କ ନେତୃତ୍ଵରେ ପରିବର୍ତ୍ତନସଭାର ଆୟୋଜନ କରାଯିବା ପାଇଁ ପ୍ରସ୍ତୁତି କରାଯାଇଛି।
ଉକ୍ତ ବୈଠକରେ ପୂର୍ବତନ ବୌଦ୍ଧବ୍ଳକ ଅଧ୍ୟକ୍ଷ ତଥା ବିଜେଡି କର୍ମୀ ପ୍ରୟୋଧର ମହାକୁଡ଼, ଲୁକାପଡ଼ା ଗୌନ୍ତିଆ ଯଜ୍ଞ ପ୍ରସାଦ ବିଶ୍ଵାଳ, ନାରାୟଣପ୍ରସାଦ ସରପଞ୍ଚ ପ୍ରତିନିଧି ସତ୍ୟନାରାୟଣ ମାଝୀ, ଖଲିଆପାଲି ସରପଞ୍ଚ ପ୍ରତିନିଧି ଜେମାକାନ୍ତ ନାଏକ, ନରେନ୍ଦ୍ର ସାହୁ, ଲିଙ୍ଗରାଜ ରଣା, ଗୁରୁ ଚରଣ ରଣା, ବରପଦରର ୱାର୍ଡ ମେମ୍ବର ଯୋଗିନ୍ଦ୍ର ରଣା, ଦୁର୍ବାଦଳ ଝାଙ୍କର ସମେତ ବହୁ ବିଜେଡି କର୍ମୀ ଉପସ୍ଥିତ ରହିଥିଲେ
