ହରଭଙ୍ଗା :(ଚିତ୍ତରଞ୍ଜନ ସିଂହ)ବ୍ଲକ ରେ ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ୨ ବର୍ଷ ଧରି କାର୍ଯ୍ୟ ହେଉଥିବା ସୁରୁଣ୍ଡି ଠାରୁ ସଂକୁଲୋଇ କୁ ସଂଯୋଗ କରୁଥିବା ରାସ୍ତା ଟି ବହୁ ସ୍ଥାନରେ ସଂପୂର୍ଣ୍ଣ ହୋଇନଥିବା ନେଇ ଜନ ଅସନ୍ତୋଷ ଦେଖା ଦେଇଛି l ସୂଚନା ମତେ ଉକ୍ତ ରାସ୍ତା ଟି ସୁରୁଣ୍ଡି ଠାରୁ ଭାୟା ଶଙ୍କରଡ଼ା ଦେଇ ସଂକୁଲୋଇ କୁ ସଂଯୋଗ କରୁଥିବା ବେଳେ ରାସ୍ତର ଅନେକ ସ୍ଥାନ ଅସମ୍ପୂର୍ଣ୍ଣ ରହିଛି l

କlରଣ ଉକ୍ତ ଅସଂପୂର୍ଣ୍ଣ କାର୍ଯ୍ୟ ଥିବା ସ୍ଥାନ ଗୁଡିକ କିଛି ବ୍ୟକ୍ତିଗତ ନିଜସ୍ୱ ନାମରେ ପଟା ଥିବା ଜଣାପଡିଛି l ତେଣୁ ଉକ୍ତ ସମସ୍ୟା କୁ ଜରୁରୀ ମନେ କରି ଗ୍ରାମ୍ୟ ଉନ୍ନୟନ ବିଭାଗ ସମାଧାନ କରି ଅସଂପୂର୍ଣ୍ଣ କାର୍ଯ୍ୟକୁ ସଂପୂର୍ଣ୍ଣ କରିବା ପାଇଁ ଶଙ୍କରଡ଼ା, ସଂକୁଲୋଇ ଓ ସୁରୁଣ୍ଡି ଗ୍ରାମବାସୀ ଅଭିଯୋଗ ଆଣିଛନ୍ତି l