ହରଭଙ୍ଗା : (ଚିତ୍ତରଞ୍ଜନ ସିଂହ)ପୁରୁଣାକଟକ ଭୈରବୀ ଉଚ୍ଚମାଧ୍ୟମିକ ବିଦ୍ୟାଳୟ, ଠାରେ ନୂଆ ଓଡିଶା :ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମର ଉଦଯାପନୀ ଦିବସ ମହା ସମାରୋହରେ ରବିବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି l ବିଦ୍ୟାଳୟ ର ଅଧକ୍ଷା ଧରିତ୍ରୀ ରାଣୀ କାନୁନଗୋ ଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ଅତିଥିଭାବେ ଓଡିଶା ସରକାର ଙ୍କ ଜଙ୍ଗଲ ପରିବେଶ, ପାନୀୟ ଜଳ, ପଞ୍ଚାୟତ ରାଜ,ସୂଚନା ଓ ଲୋକ ସମ୍ପର୍କ ମନ୍ତ୍ରୀ ପ୍ରଦୀପ କୁମାର ଅମାତ ଯୋଗ ଦେଇଥିବା ବେଳେ ସମ୍ମାନିତ ଅତିଥିଭାବେ ଉପଜିଲ୍ଲାପାଳ ରବୀନ୍ଦ୍ର ନାଥ କହଁର, ନୋଡାଲ ଅଫିସର ଅଧ୍ୟାପକ ପ୍ରଶାନ୍ତ କୁମାର ସେଠି ମଞ୍ଚାସିନ ରହିଥିଲେ l

ମଞ୍ଚାସିନ ଅତିଥି ଗଣ ପ୍ରଥମେ ମା ଭୈରବୀ ଙ୍କ ତୈଳ ଫୋଟୋ ଚିତ୍ରରେ ପୂଜାର୍ଚନା ପରେ ଅତିଥି ମାନଙ୍କୁ ଅନୁଷ୍ଠାନ ତରଫରୁ ଅତିଥି ପରିଚୟ ସହିତ ପୁଷ୍ପ ଗୁଚ୍ଛ ଓ ଉପ ଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l ପରେ ଛାତ୍ରୀ ମାନଙ୍କ ଦ୍ୱାରା ସ୍ୱାଗତ ସଂଗୀତ ଗାନ କରାଯାଇଥିଲା ତତ ପରେ ଅଧକ୍ଷା ଙ୍କ ଦ୍ୱାରା ବିଦ୍ୟାଳୟ ର ବିବରଣୀ ପଠନ ପରେ ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତା ତଥା ତର୍କ, ବକ୍ତୃତା, ନୃତ୍ୟ, ସଂଗୀତ,ଚିତ୍ରାଙ୍କନ, ରଙ୍ଗୋଲି, ଝୋଟି, ମେହେନ୍ଦି, ଫେସନ ସୋ, ସାମାଜିକ କାର୍ଯ୍ୟକଳାପ, ଅଲ ରାଉଣ୍ଡର,କ୍ରୀଡା ଚାମ୍ପିୟନ, ବିଭାଗର କୃତି ପ୍ରତିଯୋଗୀଙ୍କୁ ମାନପତ୍ର ସହ ଟ୍ରଫି ପ୍ରଦାନ କରାଯାଇଥିଲା ଓ ଅବସର ପ୍ରାପ୍ତ ଅଧ୍ୟାପକ କୈଳାଶ ଚନ୍ଦ୍ର ଦାସ, ମନୋଜ କୁମାର ପାଠି, ଉମା ଶଙ୍କର ରାଉତ ଏବଂ ମଧୁ ସୁଦନ ବେହେରା ଙ୍କୁ ମଞ୍ଚ ରେ ସମ୍ବର୍ଦ୍ଧିତ କରାଯାଇଥିଲା l

ମଞ୍ଚ କାର୍ଯ୍ୟ ପରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ୱାରା ନୃତ୍ୟ,ସଂଗୀତ ର ରଙ୍ଗlରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଉକ୍ତ କାର୍ଯ୍ୟ ଟି ପ୍ରାୟ ଏକମାସ ଛଅ ଦିନ ଧରି ଚାଲିଥିବା ବେଳେ ଛାତ୍ର ଛାତ୍ରୀ ଙ୍କ ଅନ୍ତଃନିହିତ ଗୁଣ ପ୍ରସ୍ଫୁଟିତ ହେବା ସହ ନୂତନ ଜ୍ଞାନ କୌଶଳ ରେ ଆତ୍ମ ନିର୍ଭର ଶିଳ ହେବା, ଉତ୍ତମ ମାନବ ସମାଜ ଗଠନ କରି ଦେଶ ବିଦେଶ ରେ ନିଜେ ପରିଚିତ ହେବା ସହ ଅଂଚଳ ରାଜ୍ୟ ଓ ଦେଶ ର ନାମ ରଖିବା ଏହି କାର୍ଯ୍ୟକ୍ରମ ର ମୂଳ ଲକ୍ଷ୍ୟ lଉକ୍ତ ସମସ୍ତ କାର୍ଯ୍ୟ ରେ ଅଧ୍ୟାପକ ରଞ୍ଜନ କୁମାର ପାଣିଗ୍ରାହୀ ଓ ଦେବାଶିଷ ପାଣିଗ୍ରାହୀ ମଞ୍ଚ ପରିଚାଳନା କରିଥିବା ବେଳେ ଅଭିଭାବକ, ଅଭିଭାବିକା, ଅଧ୍ୟାପକ ଅଧ୍ୟାପିକା, ଛାତ୍ରଛାତ୍ରୀ ଓ କର୍ମଚାରୀ କାର୍ଯ୍ୟକ୍ରମ ରେ ସମ୍ପୂର୍ଣ୍ଣ ସହଯୋଗ କରିଥିଲେ l