ଧର୍ମଗଡ଼: (ହେମନ୍ତ କୁମାର ମାଝୀ) ସରକାର ଲୋକ ଙ୍କୁ ସୁବିଧା ସୁଯୋଗ ଯୋଗାଇ ଦେବା ପାଇଁ ବିଭିନ୍ନ ଯୋଜନାରେ କୋଟି କୋଟି ଟଙ୍କା ଖର୍ଚ୍ଚ କରି ବିଭିନ୍ନ ଯୋଜନା କରୁଛନ୍ତି। ସେହିପରି ଲୋକେ ଯାତାୟାତ କରିଵା ପାଇଁ ରାସ୍ତା,ସେତୁ ନିର୍ମାଣ କରୁଛନ୍ତି। ହେଲେ ଏଠାକାର ଅଫିସର ଯନ୍ତ୍ର, ନିର୍ବାହୀ ଯନ୍ତ୍ରୀ ଠିକାଦାର ସହିତ ମିଳିମିଶି ଠିକାଦାରଙ୍କୁ ସୁହାଇଲା ପରି ରାସ୍ତା,ସେତୁ,ଗାଡଓ୍ଵାଳ କାମ କୁ ଅତି ନିମ୍ନ ମାନର ତିଆରି କରି ଟଙ୍କା ଆତ୍ମସାତ କରୁଥିବା ଅଭିଯୋଗ ହେଉଛି।

ତା’ର ଏକ ଜ୍ଜଳନ୍ତ ଉଦାହରଣ ଦେଖିବାକୁ ମିଳୁଛି ଏଵଂ ବିଭିନ୍ନ ମହଲରୁ ଅଭିଯୋଗ ହେଉଛି। ଵଳଦିଆମାଳ ଠାରୁ ସନ୍ଧିକୁଳିଆରୀ ଏନ୍ ଏଚ ୧୩୦ ସି ରାସ୍ତା ଏହି ରାସ୍ତା ରେ କୋଟି କୋଟି ଟଙ୍କା ଖର୍ଚ୍ଚ ହୋଇ ତିଆରି ହୋଇଛି ରାସ୍ତା , ଡ୍ରେନ ଓ ପୋଲ । ତିଆରି ମାତ୍ର ଛ ମାସ ନ ହେଉ ହେଉ ରାସ୍ତା ମରାମତି ଆରମ୍ଭ ହେଉଛି। ରାସ୍ତା ପିଚୁ କାମ ସରିଳା ପରେ ଠିକାଦାର ସଂସ୍ଥା କ୍ରସର ଗୁଣ୍ଡ ଛିଞ୍ଚି ଵା ସହିତ ସ୍ଥାନେ ସ୍ଥାନେ କଂକ୍ରିଟ ଦେଉଥିବା ଦେଖିବାକୁ ମିଳିଥିଵା ବେଳେ ବିଭିନ୍ନ ରାଜନୈତିକ ଦଳ ମଧ୍ୟ ଅଭିଯୋଗ କରୁଛନ୍ତି ।

ଏହି ରାସ୍ତା ଓ ସେତୁ ନିର୍ମାଣ ପାଇଁ ରାଜ ଲକ୍ଷ୍ମୀ କନଷ୍ଟ୍ରକସନ ଵା (R.C.L) ନାମକ ଠିକା ସଂସ୍ଥା ଉକ୍ତ କାର୍ଯ୍ୟ କରିଥିବା ଦେଖିବାକୁ ମିଳିଥିଲା। ବିଭିନ୍ନ ରାଜନୈତିକ ଦଳ, ବିଭିନ୍ନ ସଂଗଠନ ଙ୍କ ଅଭିଯୋଗ ପରେ ଯନ୍ତ୍ରୀ, ନିର୍ବାହୀ ଯନ୍ତ୍ରୀ ଙ୍କ ପ୍ରତିକ୍ରିୟା ନେବା ପାଇଁ ଚେଷ୍ଟା କରିଥିଲୁ ହେଲେ ଯୋଗାଯୋଗ ହୋଇପାରିନଥିଲା। ଏହି ରାସ୍ତା ରେ କୋଟି କୋଟି ଟଙ୍କା ଖର୍ଚ୍ଚ କରି ଅଳ୍ପ ଦିନ ମଧ୍ୟରେ ମରାମତି ହେଉଥିବା ସାଧାରଣ ରେ ଅଭିଯୋଗ ହେଵା ସହିତ ଏହାର ଉଚ୍ଚସ୍ତରୀୟ ତଦନ୍ତ କରାଗଲେ ପ୍ରକୃତ ସତ୍ୟ ସତ୍ ଲୋକ ଲୋଚନ ହେଵ ବୋଲି ବୁଦ୍ଧି ଜୀଵି ମହଳରେ ଅଭିଯୋଗ ହେଉଛି।