ଧର୍ମଗଡ: ( ହେମନ୍ତ କୁମାର ମାଝୀ)ଧର୍ମଗଡ ଥାନା ଅଧିନସ୍ଥ ଘୁମର -ବୋଡେ଼ନ ରାସ୍ତା କେନାଲ କଡ଼ ଭିତରେ ଜଣେ ବ୍ୟକ୍ତି ଙ୍କ ମୃତ୍ୟୁ ଦେହ ରବିବାର ଦିନ ଠାବ ହୋଇଥିଲା। ମୃତକ ଜଣକ ଅଏଲାଜୋର ଗ୍ରାମର ଡିଙ୍ଗର ହାତୀ (୪୫)।ସୂଚନା ଅନୁଯାୟୀ ମୃତକ ଜଣକ ଶନିବାର ଅପରାହ୍ନ ସମୟରେ ଘୁମର ମଣ୍ଡି କୁ ନିଜ ଧାନ ବିକିବା ପାଇଁ ଯାଇ ଘରକୁ ଫେରି ନ ଥିଲେ। ରବିବାର ଦିନ ପ୍ରାତଃ ସମୟରେ ତାଙ୍କ ମୃତ ଦେହ କେନାଲ କଡ଼ ନିକଟରେ ପଡିଥିବା ଲୋକେ ଦେଖୁବାକୁ ପାଇଥିଲେ।

ମୃତ ଦେହ ନିକଟରେ ଓଡି ୦୮ସି୯୧୮୫ ଏକ ଟିଭିଏସ ମଟର ସାଇକେଲ ପଡିରହିଥିଲା।ଘଟଣା ସ୍ଥଳରେ ଧର୍ମଗଡ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ବଲାଙ୍ଗୀର ସାଇଣ୍ଟିଫିକ ଟିମ ଏବଂ ସନ୍ଧାନି କୁକୁର ମଧ୍ୟ ଆସି ତଦନ୍ତ କରି ଶବ ଜବତ କରି ବ୍ୟବଚ୍ଛେଦ ପାଇଁ ଧର୍ମଗଡ଼ ଡାକ୍ତର ଖାନା କୁ ପୋଲିସ ପାଇଥିଲା।ସୋମବାର ଦିନ ବ୍ୟବଛେଦ ହେବାପରେ ମୃତ ଦେହ ପରିବାର କୁ ହସ୍ତାନ୍ତର କରିଛି ପୋଲିସ।

ଏନେଇ ପରିବାର ଲୋକେ ଧର୍ମଗଡ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ କୁ ଭିତ୍ତି କରି ଧର୍ମଗଡ ଥାନା କେଶ ନମ୍ବର 22/2023 ରେ ଏକ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି।ତେବେ ଶବ ବ୍ୟବଛେଦ ରିପୋର୍ଟ ଆସିଲା ପରେ ଘଟଣା ର ସତ୍ୟାସତ୍ୟ ଜଣା ପଡିବ ବୋଲି ତଦନ୍ତକାରୀ ପୋଲିସ ଅଧିକାରୀ ଚୁଡାମଣି ପ୍ରଧାନୀ ସୂଚନା ଦେଇଛନ୍ତି।